HOGA'ŶVA ÁRA – DÍA DE LAS PERSONAS SIN HOGAR

10 JASYPA – 10 DE OCTUBRE

HOGA'ŶVA ÁRA – DÍA DE LAS PERSONAS SIN HOGAR

Ohai: David Galeano Olivera

Leer original (hacer clic) en (http://lenguaguarani.blogspot.com/2017/11/hogayva-ara-dia-de-las-personas-sin.html)

Leer también en (https://dgaleanolivera.wordpress.com/2017/11/28/hogayva-ara-dia-de-las-personas-sin-hogar/)

I

Chemitâ'írô ahendúma

Ñanembouhague Tupâ

Jaikoha haĝua oñondive

Mborayhu, jekupyty

Vy'a ha tekojojápe

Peteîteîva ijyvýpe

Ha hogami pepo guýpe,

Ha jepémo péicha oje'e

Maymavénte jaikuaa

Hetaiterei oîha upérupi

Ñande rapicha hoga'ŷva

Ha ohasáva umi ára

Tekoasy, tyre'ŷme

II

Ñambyasýngo jahechárô

Tapicha oñemosêva

Ogami oikohaguégui

Virumi ndoguerekóigui,

Ñemotîngo ohasa

Ha jepémo ipy'akangy

Hesay ha ipochy

Osê jepiveguáicha

Oheka ambue hogarâmi

Ikatutahápe oikojey

Óga jára oipota peve

Peichaiténgo ojehu

Umi tapicha hoga'ŷvare

III

Ajépango ijetu'u

Hoga'ŷva rekove

Ndojuhúiva ijyvyrâ

Ndohupytýiva pytu'u

Hembiayhúndi oiko haĝua

Jekupyty, kunu'û,

Tesâi ha torypápe,

Tupâ oipotahaitéicha

Opavavépe ĝuarâ

Ha topa jeiko asy

Ku guata kane'ôite

Oikutu ha ohapýva

Hoga'ŷva rekove

ooo000ooo

Ver HOGA'ŶVA ÁRA, en (https://www.youtube.com/watch?v=TCCQNPkij94)

Escuchar IVOOX, en (https://mx.ivoox.com/es/28-noviembre-dia-personas-sin-audios-mp3_rf_22328041_1.html)

Leer IRUNDYPA IRUNDY – LOS CUARENTA Y CUATRO, en (http://lenguaguarani.blogspot.com/2017/11/irundypairundy-los-cuarenta-y-cuatro.html)