BENDICIONES IRLANDESAS, GUARANÍME

San Patricio ára 

(Omanókuri ára 17 jasyapy ary 461-pe - Falleció el día 17 de marzo del año 461)

BENDICIONES IRLANDESAS – IRLANDA-GUA JEHOVASA

Ohai Guaraníme: David Galeano Olivera

Leer original (hacer clic) en (http://lenguaguarani.blogspot.com/2017/07/bendiciones-irlandesas-guaranime.html)

Leer también en (https://dgaleanolivera.wordpress.com/2017/07/30/bendiciones-irlandesas-guaranime/)

Que el camino salga a tu encuentro

Tape tosê neruĝuatîvo

Que el viento siempre esté detrás de ti

Yvytu akóinte toiko nde rapykuéri

Y la lluvia caiga suave sobre tus campos.

Ha ama totyky mbeguemi nde yvy ári.

Y hasta que nos volvamos a encontrar,

Ha jajojuhujey peve,

Que Dios te sostenga con el puño de Su mano.

Ñande Ru tandeguereko ipopytépe.

Que vivas por el tiempo que tú quieras,

Tereiko reipotaha peve,

Y que siempre quieras vivir plenamente.

Ha akóinte tereiko tekokatúpe.

Recuerda siempre olvidar

Nemandu'áke akóinte nderesaraiva'erâha

Las cosas que te entristecieron.

Umi mba'e nemotyre'ŷva'ekuégui.

Pero  nunca te olvides de recordar

Áĝakatu ani nderesarái nemandu'ava'erâha

Las cosas que te alegraron.

Umi mba'e nembopy'aroryva'ekuére.

Recuerda siempre olvidar

Nemandu'áke akóinte nderesaraiva'erâha

A los amigos que resultaron falsos.

Umi angirû hovamokôiva'ekuégui.

Pero nunca olvides recordar

Áĝakatu ani nderesarái nemandu'ava'erâha

A aquellos que permanecieron contigo.

Umi ojepytasova'ekuégui nde ykére.

Recuerda siempre olvidar

Nemandu'áke akóinte nderesaraiva'erâha

Los problemas que ya pasaron

Apañuâi ohasamava'ekuégui.

Pero nunca olvides recordar

Áĝakatu ani nderesarái nemandu'ava'erâha

Las bendiciones de cada día.

Jehovasa ñavô araguágui.

Que el día más triste de tu futuro

Pe ára ityre'ŷvéva nde rekove renonderáme

No sea peor que el día más feliz de tu pasado.

Ani ivaive upe ára iporavéva nde rekove rembiasakuépe.

Que nunca se te venga el techo encima

Anitéi araka'eve nde rogahoja ho'a nde ári

Y que los amigos reunidos debajo de él, nunca se vayan.

Ha umi ne angirû ijatývajepi nde rogaguýpe, ani araka'eve ndereja ne año.

Que siempre tengas palabras cálidas en un frío anochecer,

Akóinte tereguereko ñe'ê hakuvýva pyhare ho'ysâvape,

Una luna llena en una noche oscura,

Peteî jasy renyhê peteî pyhare pytûme,

Y que el camino siempre se abra a tu puerta.

Ha tape akóinte tojepe'a ne okê renondépe.

Que haya una generación de hijos

Toî peteî ñemoñare aty

En los hijos de tus hijos.

Umi ne ñemoña ñemoñarépe.

Que vivas cien años,

Tereiko sa ary,

Con un año extra para arrepentirte!

Ha tereguereko peteî ary reñembyasy haĝua

Que el Señor te guarde en Su mano

Ñande Ru taneñongatu ipópe.

Y nunca apriete mucho tu puño.

Ha ani araka'eve ndejopyeterei ipopytépe.

Que tus vecinos te respeten,

Nde rogaykeregua tanderechakuaa,

Los problemas te abandonen,

Tandereja umi apañuâi

Los ángeles te protejan,

Tupârembijokuái toñangareko nderehe,

Y que el cielo te acoja,

Yvága tojepe'a ndéve,

Que la fortuna de las colinas Irlandesas te abracen.

Mba'eta Irlanda yvytygua taneañuâ.

Que las Bendiciones de San Patricio te contemplen.

Patricio Marangatu jehovasa tandeaho'i.

Que tus bolsillos estén pesados

Nde viruryru tahenyhê

Y tu corazón ligero,

Ha ne korasô taivevúi,

Que la buena suerte te persiga,

Po'a imarangatúva toiko nde rapykuéri,

Y cada día y cada noche.

Ha ñavô ára ha ñavô pyhare.

Tengas muros contra el viento,

Tereguereko yvytu jokoha,

Y un techo para la lluvia,

Ha peteî ogahoja amáme ĝuarâ,

Y bebidas junto a la fogata -

Ha yvarykuemi tata ypýpe -

Risas para que te consuelen

Pukavy ndepy'ajora haĝua

Aquellos a quienes amas,

Umi nderehayhu añetéva,

Y se colme tu corazón con todo lo que desees

Ha ne korasô tahenyhê opaite mba'e reipotávagui

Que Dios esté contigo y te bendiga,

Ñande Ru toî nendive ha tanderovasa,

Que veas a los hijos de tus hijos,

Terehecha ne ñemoñare ñemoñarépe

Que el infortunio te sea breve y te deje rico en bendiciones.

Po'a'ŷ ani hi'are nendive ha tandereja heta jehovasáre.

Que no conozcas nada más que la felicidad.

Tereikuaa vy'apavê añoiténte.

Desde este día en adelante

Ko ára guive tenonde gotyo.

Que Dios te conceda muchos años de vida,

Ñande Ru tome'ê ndéve tekove puku,

De seguro Él sabe que la tierra

Añetehápe Ha'e oikuaa ko yvy

No tiene suficientes ángeles

Sa'i oguerekoha hembijokuái

ooo000ooo

17 de marzo: Día de San Patricio - 17 jasyapy: Patricio Marangatu Ára

ooo000ooo

Leer OM SHIVÁ, GUARANÍME, en (http://lenguaguarani.blogspot.com/2015/05/om-shiva-guaranime.html)

Leer ORACIÓN MAYA – MAYA ÑEMBO'E, en (http://lenguaguarani.blogspot.com/2015/05/oracion-maya-maya-nemboe.html)

Leer ANI – NO, en (http://lenguaguarani.blogspot.com/2015/12/ani-no.html)

Leer SOLIDARIDAD – JEKUPYTY, en (http://lenguaguarani.blogspot.com/2016/06/30-de-junio-dia-de-la-solidaridad.html)