DENGUE, GUARANÍME

DENGUE

Ohai: David Galeano Olivera

Leer original (hacer clic) en (http://lenguaguarani.blogspot.com/2018/03/dengue-guaranime.html)

Leer también en (https://dgaleanolivera.wordpress.com/2018/03/13/dengue-guaranime/)

I

Mba'asy ndevaietéva

Ojukáva hetaitépe

Péva hína upe dengue

Ñane retâme omumúva.

II

Ñati'u hekoky'áva

Ñande rógape oike

Ha peteî tesapirîme

Oguejy, ñandejopi

Ha omoinge

Ñande ruguýpe

Upe dengue ñemoña

Ha ombohasy karia'y

Ñande rete porâite.

III

Akânundu,

Tesa rasy ha

Tete kangypaite

Hapykuérima ou

Kangue rasy ijoja'ŷva

Hetaite ára

Péicha ñanemoingo

Upe mba'asy vai,

Oñemomba'e ñande retére

Ha yvýre ñanemona.

IV

Dengue ndejapyhýrô

Pya'emíke tereho

Pohânohára rendápe

Ha upéike epytu'u

Ha hey'u heta porâ

Cháke...

Péicha nderejapóirô

Ikatuete ndejuka.

V

Upévare che angirû

Eñeñangarekóke

Opa ára

Emopotî nde rekoha

Nde róga ha ijere

Aníke reheja

Yty ha ñanandy

Nde rekoha omongora

Anietéke eheja

Y ono'ô heta

Cháke umírupi ombo'a

Upe ñati'û ky'a

Dengue vai reruha.

VI

Nde rekove rehayhúrô,

Ha ne pehênguépe avei,

Rehayhúrô ne angirû

Eñeha'âke akói

Eiko teko potîme

Ha ejerure opavavépe

Upeichaite avei tojapo.

Péva añointéngo tape

Dengue ogue haĝua

Ñane retâ porâitégui...

ooo000ooo

Ver DENGUE (I), en (https://www.youtube.com/watch?v=VfuZ9Wv2aCM)

Ver DENGUE – YOUTUBE (II), en (https://www.youtube.com/watch?v=SAyvgUk9fCE)

Escuchar DENGUE - IVOOX, en (https://mx.ivoox.com/es/dengue-guaranime-audios-mp3_rf_24394960_1.html)

Leer KO ÁRA – HOY, en (http://lenguaguarani.blogspot.com/2018/02/ko-ara-hoy.html)