KURUSU TAPE (3 DE MAYO: DÍA DE LA CRUZ)

KURUSU TAPE

Ohai: David Galeano Olivera

Leer original (hacer clic) en (http://lenguaguarani.blogspot.com/2017/05/kurusu-tape-3-de-mayo-dia-de-la-cruz.html)

Leer también en (https://dgaleanolivera.wordpress.com/2017/05/03/kurusu-tape-3-de-mayo-dia-de-la-cruz/)

I

Voi apu'â

Aha amba'apo

Ha péina ajevývo

Nderehe amaña

Reime jepiguáicha

Tapemi yképe

Ha cheakâme ou

Ha'eha nde ára

Mayma jaikuaáva

Kurusu arete

Mba'e guasuete

Ára tuichaite

Hetaite hendápe

Ojejapohápe

Mba'e porâitéva...

Kurusu jegua.

Hese omano

Ñande Ru ra'y

Kuimba'e guasu

Ijojaha'ŷva

Hesukirito

Ko arapy jára

Ipu'akapáva

Opaite mba'ére.

II

Ne añomi reime

Ku tape yképe

Remomandu'a

Tapicha mano

Upépe ojehúva.

Ka'arupytû

Ahasa nde ypy rupi,

Vaicha cherenói

Ha añemboja,

Ha ñesûpehême

Mbeguekatumi

Che ñembo'emi

Tupâme ahupi

Hi'âite ohendu

Ha toity nde ári

Ijehovasa,

Tanemyenyhê

Py'aguapymígui.

Nderehe amaña

Kurusu hûmi

Ao morotî

Nderehe ojuasa

Ha nembojegua.

Ajere amaña

Ha upeichahágui

Che resahomi

Ha ajuhu upépe

Tataindy pague.

Pya'e amyendy

-Kuarahy oñemívo-

Ombohesape

Upe ne renda.

Apu'â ha aha

Añandu hory

Che korasômi.

Hi'âiténgo chéve

Upépe omanóva

Pytu'u añete

Ohupytymi...

ooo000ooo

Ver YOUTUBE, en (https://www.youtube.com/watch?v=YA7Cr2wkj_U&t=41s)

Leer KURUSU ÁRA - DÍA DE LA CRUZ, en (https://lenguaguarani.blogspot.com/2010/05/kurusu-ara-dia-de-la-cruz.html)

Leer MBA'APOHÁRA REKOPOTÎ, en (http://lenguaguarani.blogspot.com/2017/05/mbaapohara-rekopoti-1-de-mayo-dia-del.html)