JOSÉ FÉLIX ESTIGARRIBIA

JOSÉ FÉLIX ESTIGARRIBIA

Ohai: David Galeano Olivera

Leer original (hacer clic) en (https://lenguaguarani.blogspot.com/2022/09/jose-felix-estigarribia.html)

 

I

Ára rehecha

Tetâ okaháre

Karaguataýpe.

Upépe reiko

Nde ru ha nde sy

Mateo, Casilda

Ha ne pehênguéndi.

Ne mitârusúvo

Oiko ndehegui

Tetâ guarini

Avei reho

Tetâ ambuére

Arandu rekávo

Umígui reju

Ha remba’apo

Ayala ykére

Nderekopotî,

Ndekatupyry,

Ndepy’aguasu

 

  

II

Upéinte ou

Ñorairô vai

Ha resê, reho

Cháko pysyrôvo

Rejeporavo ha

Oiko ndehegui

Motenondehára

Ha reisâmbyhy

Ñane retâmi

Mayma ñorairôme

Boquerón, Corrales,

Toledo, Nanawa,

Campo Vía, Ingavi

Ha ambue tenda rupi.

Pyapy, mbarete

Ha py’aguasúpe

Nendive opyta

Mandu’arâmíme

Rojas Silva, Franco,

Caballero Irala,

Jakare Valija

Ha Emilianore.

Nde, hendivekuéra

Pejepytasógui,

Napeñeme’êi.

Pehupi yvate

Paraguay poyvi

Porâite asy.

 

III

Nderehe ae

Ko ñane retâ

Ndaikusuguéi

Uvei opu’â,

Ojetyvyro,

Oho tenonde,

Ojupi yvate

Omimbi, ojajái

Ha ipy’arory.

Ñorairô opávo

Oiko ndehegui

Tetâ ruvicha

Ha peteî ára

Reveve jave

Ne rembirekóndi

Rejuhu tapére

Tekove paha.

Upéva ojehu

Altos oîháme

Amo yvate.

Ndéniko ha’e

José Félix

Estigarribia

Kuimba’e pyapy

Ha iñarandúva.

Nde réra opytáma

Mandu’aramíme

Ndoje’omo’âi araka’eve

 

ooo000ooo

 

(José Félix Estigarribia nació el 21 de febrero de 1888, ingresó al Ejército en 1920 y falleció el 7 de setiembre de 1940)

 

ooo000ooo

 

Ver JOSÉ FÉLIX ESTIGARRIBIA, en (https://www.youtube.com/watch?v=YDPII8xwJ40&t=28s)