CHIPA PARAGUAY

CHIPA PARAGUAY

Ohai: David Galeano Olivera

Leer original (hacer clic) en (https://lenguaguarani.blogspot.com/2019/04/chipa-paraguay.html)

I

Chipa Paraguay

Chipa Guarani

Hi'upy hete

Ha ijojaha'ỹva,

Ne ryakuãnguépe

Reañuãmbáva

Paraguay retã.

Resẽ tatakuágui

Ha repururũ

Maymáva jurúpe.

Nemoirũ hag̃ua

Avei oĩ

Kojói akumi.

Ñande jaikuaa

Chipa oîháme

Mborayhu pa'ũme

Puka ha torýpe

Jahasa porã,

Vaichantevoi

Chipa rehe ae

Vy'a guasuete

Ojaitypoha

Maymáva ñe'âme.

  

II

Kuña Paraguay

Kuña Guarani

Kuña mbarete

Ha ikyre'ỹetéva

Voi opu'ã

Ha mbeguekatúpe

Ndeapo ohóvo.

Ha upevarâ

Ombojehe'a

Avati, kamby,

Ani, aramirõ,

Tupi'a, juky,

Kure ñandymi

Ha oiko ichugui

Chipa opaichagua

Tatakuápe ojýva

Omohyg̃uatã

Ha omohesãiva

Ñande rekove.

III

Chipa avati

Chipa aramirõ

Chipa manduvi

Chipa mbokaja

Chipa andai

Chipa kavure

Hetave apytépe

Ha'e hi'upy

Ñanemba'etéva

Héra Guaraníva

Ha ohechaukáva

Paraguay reko

Hi'ã opa ára

Jahecharamo

Ha ñamomba'e

Chipa Paraguay

Ha tapiate

Ñande chipami

Chipa Guarani

Tombojeguaka

Maymáva mesa

ooo000ooo

Ver CHIPA PARAGUAY en YOUTUBE, en (https://www.youtube.com/watch?v=Z3Hxlq6Aw0o)

Leer PARAGUAY SE LEVANTA, en (https://lenguaguarani.blogspot.com/2018/11/epuake-paraguay-paraguay-se-levanta.html)

Leer DENGUE, en (http://lenguaguarani.blogspot.com/2018/03/dengue-guaranime.html)

Leer KO ÁRA, en (https://dgaleanolivera.wordpress.com/2018/02/25/ko-ara-hoy/)