EDELIO MORÍNIGO
Ohai: David Galeano Olivera
Leer
original (hacer clic) en (http://lenguaguarani.blogspot.com/2014/12/mbaeichapa-edelio.html)
Leer también en (https://dgaleanolivera.wordpress.com/mbaeichapa-edelio/)
Leer también en (https://dgaleanolivera.wordpress.com/mbaeichapa-edelio/)
El miércoles 11 de abril de 2018, se confirmó la muerte de Edelio Morínigo... Ajépango ñambyasyete Edelio ñemano. Mitârusu hekokatúva, ohayhúva hogaygua ha hapichápe, ho'ava'ekue moñaikuéra poguýpe ojukava'ekue chupe.
Esta poesía se la escribí a Edelio Morínigo el 31 de diciembre de 2014, después de la liberación de Arlan...
I
Mba'éichapa Edelio
Aréma rejechaga'u
Oime'arâ reikuaáma
Arlan isâsohague
Ha'e oîma hógape
Ipehênguekuéra ndive
Itúva ha isy... oikovejey
Ñehetû, puka, vy'ápe
Ára ohasa.
Ha nde, Edelio...
Mamópa reime
Iporâiteva'erâ avei
Umi tekove ñaña
Ndehegui opoi
Ha pya'e porâ
Rejami haĝua
Nde symi rendápe
Heta kerasýma
Nderehe ohasáva
Ha emokunu'û ha embovy'a,
Toikovejey...
Mba'éichapa Edelio
Aréma rejechaga'u
Oime'arâ reikuaáma
Arlan isâsohague
Edelio Morínigo, policía, secuestrado el 5 de julio de 2014
II
Ahendu nde sýpe
Ipy'aite guive
Tesay pa'ûme
Nderehe ojerure.
Pévango ivai
Sýngo nahasêiva,
Py'aguapýpe oikova'erâ
Ha'e ojepy'apy
Ndereka ha nandejuhúi
Ndokéi, ndopytu'úi
Nahi'âvéima péicha
Oiko nde symi,
Oimépoku
Umi ndeguerakañy'akue
Ndaisýi ha ndaitúvai
Upévare peichaitepeve
iñaña hikuái.
Edelio...
Ahendu nde sýpe
Ipy'aite guive
Tesay pa'ûme
Nderehe ojerure
III
Naneañói Edelio
Opaite hendápe
Heta tapicha
Nderayhu añetéva
Nderehe oñembo'e
Jahachápa péicha
Opoko umi tekove ñaña
Korasômimíre
Taipy'a porâ
Ha tandereja
Nde róga rapére
Upépe avei oî
Ne mborayhu jára
Ko'ê ko'êvére
Py'atytýi kakuaápe
Nera'ârômíva.
Naneañói Edelio
Opaite hendápe
Heta tapicha
Nderayhu añetéva
Nderehe oñembo'e
IV
Ambyasy, cherapy
Âichagua mba'e ojehuhaguére
Jaikoverângue ojoapytépe
Tory ha vy'ápe.
Yvate amaña ha
Ahenduka che kerayvoty
Aipota oĝuahê
Ára porâite
Oñondivepa
Jaikopa haĝua
Mborayhu pa'û
Ha jekupytýpe
Ikatuhaĝuáicha
Jaipykuijey
Tape añetetéva
Ha tajaguata peteîchaite
Oñopehênguéicha.
Ha upe aja...
Ambyasy, cherapy
Âichagua mba'e ojehuhaguére
Jaikoverângue ojoapytépe
Tory ha vy'ápe.
(Ahechakuaávo Edelio Morínigo-pe)
31 jasypakôi 2014
Edelio, che retâygua: mamo reimeháme, terepytu'u py'aguapýpe...
Mba'e vaieténgo nderehe ojehúva upévare, añetehápe, ambyasyeterei ne mano
No hay comentarios:
Publicar un comentario