CHE RETÂ POYVI PORÂITE ASY

CHE RETÂ POYVI PORÂITE ASY

Ohai: David Galeano Olivera

Leer original (hacer clic) en (https://lenguaguarani.blogspot.com/2019/05/che-reta-poyvi-poraite-asy.html)

I

Ajépa iporâ

Ha ndaijojahái

Pe ñande poyvi

Yvate ojajáiva.

Pytâ, morotî, hovy

Overa, omimbi

Yvága mbytépe

Ndorekoivoi imbojojaha

Ipype oî

Hapo pypuku

Guarani ruguy,

Pyapy, mbarete

Ha ohechauka

Mayma tapichápe

Paraguay ra'y

Tuicha mba'eha

 

II

Che retâ poyvi

nde reñongatu

Paraguay retâ

Rembiasa guasu

Hory che ñe'â

Nderehe amañávo

Ahechapaite

Paraguay retâ

Rekove mimbi

Ndepype opyta

Francia, Caballero,

Yegros ha Iturbe

Sapukái guasu.

Upéicha avei

Ku Solano López

Araka'eve nomanoiva'ekue

Oî avei

Kavichu pochy

Leô Guarani

Cháko ñorairôme

Py'aguasuetépe

Nderehe ome'êva

Hekove ruguy

III

Ha... che retâ poyvi

Péina añembo'y

Ha ajesaupi

Amo yvatete

Ahecha reime,

Reñemyatymói

Nandejojahái.

Nereñeme'êi,

Nereñakâitýi,

Ha nereñesüi.

Rejepytaso,

Rehupi ne akâ,

Rejupi yvate.

Araka'eve nderepamo'âi.

Aikuaágui nde

Tuicha mba'eha.

Che korasôkuágui

Ñe'ê porâita

Péina anohê

Ha kane'ô'ŷre

Che jepopetépe

Ndéve aikuave'ê

Che retâ poyvi

Porâite asy

ooo000ooo

Ver CHE RETÂ POYVI PORÂITE ASY, en (https://www.youtube.com/watch?v=DchvcnoXD0I)

Leer CHIPA PARAGUAY, en (https://lenguaguarani.blogspot.com/2019/04/chipa-paraguay.html)

Leer DÍA DE LA BANDERA, en (https://lenguaguarani.blogspot.com/2010/08/dia-de-la-bandera-poyvi-ara.html)

Ver INVOCACIÓN A LA BANDERA, en (https://www.youtube.com/watch?v=Feo3m3bfPWo&t=9s)

Ver HIMNO NACIONAL EN GUARANI, en (https://www.youtube.com/watch?v=jmK7D-4d5tg&t=1s)