Lengua Guarani

Lengua Guarani
Ára Pyahu

miércoles, 26 de junio de 2019

OÑEMBOCHAKEJEÝMA GUARANÍME


OÑEMBOCHAKEJEÝMA GUARANÍME
Ohai: David Galeano Olivera
I
Ndaiporivoínte
Ko yvy apére
Mba'e tuichavéva
Ha iporâvéva
Guarani ñe'êgui
He'ê asyetéva
Ndaijojahái
Itaju mimbícha
Overa, ojajái
Ha jepémo upéicha
Oî gueteri
Tapicha ñaña
Tapicha tavy
Añamembyete
Osêva hapépe
Ojeity hi'ari
Jahechápa upéicha
Ojuvy, ojuka


II
Ajéiko ivai
Jajuhu jave
Moñaita aty
Ñemiháme oîva
Ha omboguatáva
Guarani mboyke,
Guarani mano.
Py'ŷi jahamívo
Omopysângáva
Ñane Avañe'ê
Cháke Guarani
Osê osapukái
Omondýi haĝua
Guarani ñe'ême
Umívango hína
Ijuru okápe
Ohayhugua'úva
Ñane Avañe'ême
Ha ijatukupéguio
Oikutukutúva
Jahechápa péicha
Ikangy ohóvo
Ha peteî ára
Omano asy

III
 mba'e ojehúvo
Añeporandu
Árapa oĝuahêta
Opaitetahápe
Cháke vaiete
Omomirîséva
Guaraní ñe'ême
Hetaitémango
Ohasa asy
Oñemoñesu
Ha oñeñotŷse
Ñe'ê porâite
Ha he'ê asýva.
Ñemondýi pa'ûme
Hekove ohasa.
Pejejokomína,
Anivéna péicha
Pejahéi hese
Pepoi chugui
Toveve yvytúndi
Taisâso añete

IV
Chénte aipota
Oĝuahê pya'e
Ára pyahumi
Ikatutahápe
Oñondivepa
Ñasê, ñamosê
Umi añamembýpe
Toho añaretâme
Ha tochyryry
Ha ñande ko'ápe
Vy'a ha torýpe
Jahupi yvate
Guarani ñe'ê
Ñame'ê chupe
Henda teete
Ha ñamochichî
Ñane Avañe'ême.

(Dedicado a los trasnochados que intentan destruir al Idioma Guarani)

ooo000ooo





2 comentarios:

Ademario Ribeiro dijo...
Este comentario ha sido eliminado por el autor.
Ademario Ribeiro dijo...

Estimado Professor David Galeano Olivera, guê!

Com este "salve" em Tupí desejo me anunciar como um amigo do Professor Antonio Cabrera Tupã que me falou de tua pessoa e obra em favor da língua Guaraní, la cual me gusta mucho. Soy uno brasileño, pero las lenguas Guaraní y Español son muy interesantes.

Forte abraço!
Ademario