SAN PEDRO-GUARE ANIVE OJEHU

SAN PEDRO-GUARE ANIVE OJEHU

Ohai: David Galeano Olivera

Leer original (hacer clic) en (https://lenguaguarani.blogspot.com/2019/06/san-pedro-guare-anive-ojehu.html)

I

Jahasa aja

Vy'a ha torýpe

Tuvakuéra ára.

Jaguapypaitévo

Mesa jeremíre

Oñondivepa

Oĝuahê ñandéve

Marandu vai

San Pedro-gui oúva

Ha omombe'úva

Mba'e vaiete

Mba'e mbyasyrâ

Upépe ojehúva

Jejuka guasu

Jejuka vai

Heta tekove

Ka'irâime oîva

Oñorairômba

Ha ojojukapa

Ombohesay

Ha omboao hû

Tuvakuéra ára

Ha ñane retâme

 

II

Oîngo upépe

Omanovaíva

Ojehapypáva

Oñeñaka'ôva

Ha oñembokuapáva

Vaichantevoi

Aña ruvicha

Ojeityhague

Pe San Pedro ári

Ha mba'e vai

Ijojaha'ŷva

Ohejahague

Upérupi ohasávo...

Ndaupeichaguaréi

Ñane retâmi

Âichagua mano

Jejuka vai

Ndoikóiva ymave

Nda'aréi peve

Ápe jaikomíva

Jahecharamo

Ha ñamomba'e

Ñande rapichápe

Ha oñopehênguéicha

Jaiko oñondive

Jekupyty pópe

Ha py'aguapýpe

Ñañopytyvô

Ha jajohayhu.

III

Anivéna péicha

Che retâyguakuéra

San Pedro-guare

Anive ojehu

Jejuka vai

O'apo'ietéva

Tapicha reko

Ha amo hapópe

Ombohasyetéva

Ñane retâmíme

Néipy, néipy

Che rapichakuéra

Japáy, ñapu'â

Kerasy vaígui

Ha manorângue

Ñamotenonde

Ñande apytépe

Tekove porâ

Tekove puku

Ha oñondivepa

Ñamombarete

Tesâi, tetia'e

Joayhu reko

Ha oñopehênguéicha

Peteî ñe'ême

Jaikopa guasu

ooo000ooo

Ver SAN PEDRO-GUARE ANIVE OJEHU, en (https://www.youtube.com/watch?v=I4FjW2mNSCA)

Leer CHE PEHÊNGUE, CHE ROGAYGUA, en (https://lenguaguarani.blogspot.com/2019/06/che-pehengue-che-rogaygua-mi-familia.html)