SAN JUAN - HUÂ MARANGATU

SAN JUAN – HUÂ MARANGATU

Ohai: David Galeano Olivera

Leer original (hacer clic) en (https://lenguaguarani.blogspot.com/2019/06/san-juan-hua-marangatu.html)

I

Péinango oĝuahê

Ára guasuete

Ñamomorâháme

San Juan arete

Ha opaite henda rupi

Ko ñane retâme

Aty tuichaicha

Jahecháta oiko

Ha vy'a, torýpe

Umi rupi jaháta

Javy'a haĝua

Oñondivepa

 

II

Kakuaa, mitâ

Ha opavavetéva

Ñasêta jaha

Vy'aguasuhápe

Jajuhutahápe

Ñembosaráita

Karréra vosa,

Páila jeheréi,

Pelóta tata,

Guata tata ári,

Kambuchi joka

Hetave apytépe

Ombohetia'éta

Ñande rekove

III

Upéicha avei

Jajuhukuaáta

Tembi'u hete

Hyakuâ asýva

Mbeju ha chipa,

Pajagua mascada,

Pastel mandi'o,

Chipa kavure

Chicharô trenzado

Ha ambue mba'e

Ndehepajepéva

IV

Korapy guasúpe

Jahecháta oî

Heta tapicha

Omoñepyrûva

Aipo pericón

Ha upeichahágui

Oñe'êreitýva

Ijykereguápe

Ha amo ipahápe

Peteî he'íta

“Topa pericón

Ha toñepyrù

Polka kyre'ŷ”

Péicha jahasa

Oñondivepa

Vy'a guasuete

Ijojaha'ŷva

San Juan aratépe

ooo000ooo

ooo000ooo

Ver SAN JUAN, en (https://www.youtube.com/watch?v=WC_UQSlPNl4)

Ver SAN JUAN ÁRA, en (http://lenguaguarani.blogspot.com/2011/06/san-juan-ara-dia-de-san-juan.html)

Ver SAN JUAN EN TERERE JERE, en (https://www.youtube.com/watch?v=Z93BO3VTvKg&t=7s)