DEMETRIO ORTÍZ

DEMETRIO ORTÍZ

Ohai: David Galeano Olivera

 Leer original (hacer clic) en (https://lenguaguarani.blogspot.com/2022/12/demetrio-ortiz.html)

Leer también en (https://dgaleanolivera.wordpress.com/2022/12/21/demetrio-ortiz/)

            Demetrio Ortíz Vargas nació en la ciudad de Pirivevúi, Departamento de Cordillera, República del Paraguay; el día 22 de diciembre de 1916. Su padre fue Juan Anacleto Ortíz y su madre fue María Blásida Vargas Benítez. A los tres días de haber nacido sus padres volvieron a Asunción y tiempo después se separaron. Fue entonces que Demetrio y su madre fueron a vivir a Formosa, Argentina, donde también realizó sus estudios primarios. Cuando falleció su padre, Demetrio volvió a Asunción, donde hizo de todo, lustrabotas, zapatero, entre otras cosas. Demetrio Ortíz Vargas heñóikuri táva Pirivevúi, Tetãpehẽ Cordillera, Paraguay Retãme; ára 22 jasypakõi ary 1916-pe. Itúva herava’ekue Juan Anacleto Ortíz ha isýkatu hérakuri María Blásida Vargas Benítez. Mbohapy ára heñói rire itúva ha isy ovákuri Paraguaýpe ha upe rire opoi ojuehegui. Upérõ Demetrio ha isy ohókuri oiko Formosa, Argentina-pe ha upépe avei oñemoarandu’ypýkuri. Omanóvo itúva, Demetrio oujeýkuri Paraguaýpe, ojapohaguépe opa mba’e, sapatumopotĩha, sapatumyatyrõha, hetave mba’e apytépe.

 

            Cuentan que iba a la casa de un vecino de apellido Servín quien le enseñó a tocar la guitarra. Luego se hizo de una guitarra que había encontrado de casualidad, la cual restauró y se convirtió en su herramienta artística. Oñemombe’u ha’e ohohájepi peteĩ karai herajoapýva Servín rendápe oikóva hóga ykére. Upéi ndaje ojuhúkuri peteĩ mbaraka, omyatyrõva’ekue ha orekóva hembipurúrõ mba’epu apópe.

            Demetrio Ortíz empezó su vida artística en el año 1937 integrando el grupo Aficionados de General Santos, donde tocaba la guitarra y donde también cantaba. En el año 1938 con Zoilo F. Cantero integró el Conjunto Okára Poty. En el año 1939 ambos integraron el conjunto Mandu’a Rory de Santiago Cortesi y José L. Melgarejo. En el año 1943 integró el Trio Asunceno con Ignacio Melgarejo y Digno García, con quienes viajó al Brasil hasta el año 1946. Demetrio Ortíz oñepyrũkuri hekove mba’epúpe ary 1937-pe oikévo aty Aficionados de General Santos-pe, ombopuhápe mbaraka, ha avei opuraheihaguépe. Ary 1938-pe Zoilo F. Canteros ndive oike mba’epu’aty Okára Potýpe. Ary 1939-pe mokõivéva oike hikuái mba’epu’aty Mandu’a Rorýpe ha’éva Santiago Cortesi ha José L. Melgarejo mba’e. Ary 1943-pe oikékuri Trio Asunceno-pe Ignacio Melgarejo ha Digno García ndive, hendivekuéra ohókuri Brasil-pe ary 1946 peve.

            Volvió a Asunción donde perdió a su madre el día 10 de octubre del año 1946. Para ella, Demetrio había escrito en el año 1943 su famosa obra Mis noches sin ti. En el año 1947 había integrado el conjunto del Maestro Herminio Giménez y con él llegó a Buenos Aires, Argentina y allí integró el conjunto de Félix Pérez Cardozo. En el año 1948 estando en Córdoba, Argentina, compuso su hermosa guarania Recuerdos de Ypakarai. Demetrio Ortíz contrajo matrimonio con Élida Maidana Valdez y juntos tuvieron a su única hija María Esperanza Ortíz Maidana. Ojevýkuri Paraguaýpe omanohaguépe chugui isy ára 10 jasypa ary 1946-pe. Ichupe ĝuarã ojapókuri ary 1943-pe hembiapo herakuãitéva hérava Mis noches sin ti. Ary 1947-pe oikékuri Mbo’ehára Herminio Giménez mba’epu’atýpe ha hendive oĝuahẽkuri Buenos Aires, Argentina-pe ha upépe oikékuri Félix Pérez Cardozo mba’epu’atýpe. Ary 1946-pe, oĩrõguare Córdoba, Argentina-pe ojapókuri ipumbasy porãitéva Recuerdos de Ypakarai. Demetrio Orltíz omendákuri Élida Maidana Valdez rehe ha iñemoñare peteĩmi héra María Esperanza Ortíz Maidana.

            En el año 1956 se presentó en Buenos Aires, Argentina, su obra teatral Anivéna Karaikuéra. Entre sus más importantes obras se encuentran: Recuerdos de Ypakarai, Mis noches sin ti, Qué será de ti, Yo te quiero mucho, Techaga’u o Añoro, Te extraño, Tus lágrimas, Esperanza mía, Ahechava’ekue, Rohechajeývo y Mitãkuña juky. Ary 1956-pe ojehechaukákuri Buenos Aires, Argentina-pe hembiapo ñoha’ãnga rehegua Anivéna Karaikuéra. Umi hembiapokue ojekuaavéva apytépe oĩ ko’ãva: Recuerdos de Ypakarai, Mis noches sin ti, Qué será de ti, Yo te quiero mucho, Techaga’u o Añoro, Te extraño, Tus lágrimas, Esperanza mía, Ahechava’ekue, Rohechajeývo ha Mitãkuña juky.

            Demetrio Ortíz falleció en Buenos Aires, Argentina, el día 18 de agosto del año 1975. Demetrio Ortíz omanókuri Buenos Aires, Argentina-pe, ára 18 jasypoapy ary 1975-pe.

ooo000ooo

Ver DRA MARÍA ESPERANZA ORTÍZ, en (https://www.youtube.com/watch?v=qURnmrUYbQg)

Ver RECUERDOS DE YPAKARAI - CENTRO EDUCATIVO LA ESPERANZA, en (https://www.youtube.com/watch?v=zI0DS3GA_10&t=8s)

Ver MIS NOCHES SIN TI – OSCA, en (https://www.youtube.com/watch?v=20Tq7aOun2M)