lenguaguarani: MARÍA AUXILIADORA, GUARANÍME

DEVOCIONES POPULARES

MARÍA AUXILIADORA, GUARANÍME
24 de mayo - 24 jasypo

Ohai: David Galeano Olivera

Leer original (hacer clic) en (http://lenguaguarani.blogspot.com/2015/05/maria-auxiliadora-guaranime.html)
Leer también en (https://dgaleanolivera.wordpress.com/maria-auxiliadora-guaranime/)

El primero en llamar a la VIRGEN MARÍA con el nombre de “AUXILIADORA” fue San Juan Crisóstomo, en Constantinopla en el año 345, el dijo “Tú, María, eres auxilio potentísimo de Dios”. Upe tenondete ohenoiva'ekue “PYTYVÔHÁRA” TUPÂSY MARÍA-pe niko Juan Crisóstomo Marangatu, táva Constantinopla-pe ary 345-pe. Ha'e he'iraka'e “Maria, Ndéniko Tupâ pytyvôhára imbaretevéva”.

En el año 532, San Sabas narra que en oriente había una imagen de la Virgen que era llamada “Auxiliadora de los enfermos”, porque ella intercedió en muchas curaciones.Ary 532-pe, Sabas Marangatu omombe'u arasê gotyo oîhakuri peteî Tupâsy ra'ânga ojeheróva “Hasykatúva Pytyvôhára”, ha'e oipytyvôhaguére heta tapicha ñemonguerápe.

En el año 749, San Juan Damasceno fue el primero en difundir la jaculatoria “María Auxiliadora, rogad por nosotros”, y repite, la Virgen es “Auxiliadora para evitar males y peligros y Auxiliadora para conseguir la salvación”. Ary 749-pe, Juan Damasceno Marangatu ha'ékuri pe omyasâiva'ekue ñembo'emi jerurerâ he'íva “Maria Pytyvôhára, eñembo'e orerehe”, ha ombojo'a: Tupâsy ha'eha “Pytyvôhára mba'e vai ha jehasa asy ñemboyképe ha Pytyvôhára ojehupyty haĝua pysyrô”.

En Ucrania, se celebra la fiesta de María Auxiliadora, cada año, el día 1 de octubre, desde el año 1030, cuando María Auxiliadora protegió a la ciudad de un ataque de bárbaros paganos. Ucrania-pe, ojegueromandu'a Maria Pytyvôhárape, ñavô ary, ára 1 jasypa jave, ary 1030 guive, upérô Maria Pytyvôhára oipysyrôkuri upe távape ojeitýrôguare hi'ári bárbaro ojerovia'ŷva aty.

El Papa San Pio V, en el año 1572, ordenó que en todo el mundo católico se rezara en las letanías la advocación “María Auxiliadora, rogad por nosotros”, porque en ese año María Auxiliadora defendió a todos los cristianos en la Batalla de Lepanto. Pápa Pío V, ary 1572-pe, ojerurékuri opavave katolikokuérape iñembo'erysýipe ko temiñehenói“Maria Pytyvôhára, ejerure orerehe”, María Pytyvôhára oipysyrôhaguére mayma katólikope oîva'ekue Lepanto ñorairôme.

Por otra parte, Católicos del Sur de Alemania, en el año 1600, hicieron una promesa a la Virgen de honrarla con el título de Auxiliadora si ella los libraba de la invasión de los protestantes y también si la Virgen terminase la Guerra de los 30 Años. La Madre de Dios les concedió ambos favores y pronto, más de 70 capillas, pasaron a denominarse María Auxiliadora. Ambue mba'e, Katólico oikóva Alemania ñemby gotyo, ary 1600-pe, oñe'ême'êkuri Tupâsýme ohenoitaha chupe Pytyvôhára ha'e oipysyrôramo chupekuéra joavyharakuéragui ojeitypotáva hi'arikuéra ñorairôrâicha ha avei Tupâsy omoĝuahêrô ijapýpe Ñorairô 30 Arygua. Tupâsy oñe'êrendu chupekuéra ha oipytyvôkuri chupekuéra mokôive mba'épe ha pya'evoi, 50 tupâo'i, oñembohérakuri Maria Pytyvôhára.

En el año 1683, tras obtener una gran victoria sobre los protestantes en Viena, los católicos fundaron la Asociación María Auxiliadora que hoy existe en más de 60 países. Ary 1683-pe, tuicha itenonde rire joavyharakuérare Viena-pe, katolikokuéra omoheñóikuri Maria Pytyvôhára Aty ko'áĝa oĝuahêva 60 tetâ rasamíme.

El Papa Pío VII, prisionero del General Napoleón, en el año 1814, prometió a la Virgen que el día que llegara a Roma, en libertad, iniciaría la festividad de María Auxiliadora. Inesperadamente, el Papa Pío VII quedó libre y llegó a Roma el día 24 de mayo. Desde entonces el día 24 de mayo se convirtió en el Día de María Auxiliadora. Pápa Pío VII, oîrôguare Mburuvichapavê Napoleón poguýpe, ka'irâime, ary 1814-pe, oñe'ême'êkuri Tupâsýme aipo ára oĝuahêjeyhápe Roma-pe, isâso rire, omoñepyrûtaha Maria Pytyvôhára jeguerohory. Oimo'â'ŷre, Pápa Pío VII isâso ha oĝuahêkuri Roma-pe ára 24 jasypo. Upete guive ára 24 jasypógui oikókuri María Pytyvôhára Ára.

En el año 1814, el Papa Pío VII, prisionero del General Napoleón en Fontainebleau, prometió a la Virgen que el día que llegase a Roma, en libertad, iniciaría la festividad de María Auxiliadora. Inesperadamente, el Papa Pío VII quedó libre al poco tiempo y llegó a Roma el día 24 de mayo. Desde entonces el día 24 de mayo se convirtió en el Día de María Auxiliadora. Ary 1814-pe, Pápa Pío VII, oîrôguare Mburuvichapavê Napoleón poguýpe, ka'irâime, Fontainebleau-pe, oñe'ême'êkuri Tupâsýme aipo ára oĝuahêjeyhápe Roma-pe, isâso rire, omoñepyrûtaha Maria Pytyvôhára jeguerohory. Oimo'â'ŷre, Pápa Pío VII isâso uperiremínte ha oĝuahêkuri Roma-pe ára 24 jasypo. Upete guive ára 24 jasypógui oikókuri Maria Pytyvôhára Ára.

En el año 1860 la Virgen se presenta a Juan Bosco y le pide ser honrada por los católicos con el título de “Auxiliadora” y le muestra el lugar en el cual quería que se le construya un templo, en la ciudad de Turín, en Italia. Ary 1860-pe Tupâsy ojehechaukákuri Juan Bosco-pe ha ojerurékuri chupe opavave katólico omboherajoapy haĝua chupe “Pytyvôhára” ha ohechauka chupe pe tenda ha'e oipotahápe oñemopu'â chupe itupâorâ, táva Turín, Italia retâme.

Juan Bosco empezó la construcción del templo con sus 3 únicas monedas. Sin embargo, fueron tantos y tan grandes los milagros que María Auxiliadora, que en solo cuatro años -el día 9 de junio del año 1868- estuvo terminada la gran basílica. Juan Bosco omoñepyrûkuri upe tupâo ñemopu'â 3 viru'apu'amíre. Jepémo upéicha, hetaiterei ha tuichaichágui umi pokatu Maria Pytyvôhára ome'êva'ekue, irundy arýpe -ára 9 jasypoteî ary 1868-pe- oñemohu'âmakatu pe tupâoruvicha kakuaaite.

ooo000ooo

ORACIÓN A MARÍA AUXILIADORA

MARIA PYTYVÔHÁRA ÑEMBO'E

Ohai Guaraníme: David Galeano Olivera

Necesitando un favor especial

Aikotevêgui peteî pytyvô ijojaha'ŷva

Y confiando en tu bondad,

Ha ajeroviágui nde reko marangatuetére,

A ti recurro, poderoso Auxilio de los Cristianos.

Añemboja nerendápe, ha'éva Cristiano Pytyvôhara mbaretete.

Conocedor de las innumerables gracias

Aikuaágui hetaitereirasa pytyvô

Que diariamente concedes a tus devotos,

Ára ha ára reme'êha nderehe ojeroviávape,

He puesto siempre en Ti toda mi confianza;

Amoî Nderehe che jerovia tuichavéva;

Hoy, humildemente postrado a tus plantas,

Ko árape, tekojejapo'ŷre añesû ne renondépe,

Te suplico, con todo el fervor de mi alma,

Ajerure asy ndéve che py'aite guive,

Remedies mi necesidad... (aquí se pide la ayuda que se desea)

Chembojerovia haĝua che remikotevême... (ápe ojejerure'arâ pytyvô oñekotevêva)

Bien sé, Madre querida que yo no merezco nada;

Aikuaa porâ, che Sy rohayhuetéva natekotevêiha reme'ê chéve mba'eve;

Y aún temo que mis culpas sean un obstáculo a Tu bondad.

Ha akyhyje oiméramo ĝuarâ umi che angaipáre, Nde, chemboyke nde pokatúgui.

Mas Tú puedes, dulcísima Señora, sacarme de este lastimoso estado

Upéicharôjepe, Kuñakarai jukyete, nde cherenohêkuaa ko jehasa asyetégui

Y hacer que sirva con fidelidad a Ti y a tu divino Hijo,

Ha upeichahápe taiko Nde ha Ne Memby Marangatu rembijokuáirô,

A fin de que yo también pueda experimentar la maravillosa eficacia de tu Santo Auxilio.

Ikatuhaĝuáicha che avei añandu pypuku ne Pytyvô Marangatuete rapykuere ojajaipáva.

Ver YOUTUBE, en (https://www.youtube.com/watch?v=_kYk7VZCxCo&t=8s)

ooo000ooo

El día 24 de mayo del año 2005 -Día de María Auxiliadora- el ATENEO DE LENGUA Y CULTURA GUARANI recibió la Ley 2574, promulgada el día 16 de mayo de ese año, por la cual se reconoce al ATENEO como institución de educación superior. Ára 24 jasypo ary 2005-pe -Maria Pytyvôhára Árape- ATENEO DE LENGUA Y CULTURA GUARANIme oñeme'êkuri Léi 2574, oñemboajeva'ekue ára 16 jasypo upe arypeguare, ojapóva ATENEO-gui mbo'ehaovusu.