15 DE OCTUBRE: DÍA DE LA MUJER RURAL - KUÑA OKARAYGUA ÁRA

15 DE OCTUBRE: DÍA DE LA MUJER RURAL – KUÑA OKARAYGUA ÁRA

Ohai: David Galeano Olivera

Leer original (hacer clic) en (http://lenguaguarani.blogspot.com/2016/10/15-de-octubre-dia-de-la-mujer-rural.html)

Asimismo leer en (https://dgaleanolivera.wordpress.com/2016/10/15/15-de-octubre-dia-de-la-mujer-rural-kuna-okaraygua-ara/)

I

Kuña okaraygua

Kuña pyapy

Kuña kyre'ŷ

Kuña retia'e

Kuña pyryrŷi

Kuña óga jára

Che retâ jegua

II

Voi repu'â

Ko'êtî jave

Neko'ê porâ

Ndepy'arory
Rejepe'ava
Reho tataypýpe

Rekay'u'imi

Resê korapýpe

Reme'ê hi'upy

Ne rymbamimíme

Kure, ryguasu

Upégui reho

Reñami vaka

Ha kamby akumi

Regueropojái

Ne pehênguemíme

III

Nde róga jere

Reitypeipa ha

Remoñe'ê

Umi nde yvoty

Nde rapykuerépe

Opaite mba'e

Omimbi, ojajái,

Overa hendy

Upéi rejapo

Asaje ĝuarâ

Tembi'u hetéva

Kumanda, avati

Mandi'o, jety

Kesu, tupi'a

Ha sakarômi

Nde po rupi ohasávo

Chuguikuéra oiko

Hi'upy hesâiva

Ha omombaretéva

Maymáva rete.

IV

Asaje rire

Kuarahy tiníme

Reho amo huguápe

Ku ysyrymi

Ro'ysâ asýpe

Havômi nde pópe

Rejohéi ao

Itakyry ári

Reipetepete

Emoñapymi

Reipokapoka

Ha kapi'ipépe

Remyasâi porâ

Upéi ikâmbávo

Rejupa hese

Remohendapa

Ha nde rogami

Henyhêmbaite

Pacholi ryakuâgui.

V

Upéi reguapy

Ipiro'yvehápe

Reterere'u

Ha upe aja

Nderehe ojere

Ha neretûmba

Umi ne memby

Upéva ojehúvo

Reñandu vy'a

Ijohaha'ŷva

Umíva ha'égui

Ne korasô jára

Nde rekove sâ

VI

Kuarahy oñemívo

Nanekane'ôi

Ha tataypýpe,

Apykape ári,

Ne memby,

Ne ména ha

Opavavéndi

Reñemongeta

Ha káso apytépe

Kojói akumi

Kavure, mbejúre

Regueropojái

Opavavetépe.

Topehýi oúma

Upe riremi

Ha tyĝuatâmíre

Peteîteîme

Reho, reraha

Ha remoñeno

Ha upéicha avei

Tete kane'ôre

Rejeity tupápe

Repytu'umi.

VII

Ha, kuña,

Kuña okaraygua

Kuña óga jára

Che retâ jegua

Kuña retia'e

Kuña añetete

Che jarýi, che sy

Upévango nde...

ooo000ooo

Ver KUÑA OKARAYGUA, en (https://www.youtube.com/watch?v=fxuajV05qRk)

Leer PARAGUAY, en (http://lenguaguarani.blogspot.com/2016/10/paraguay.html)

Leer DÍA DE LA SONRISA – PUKAVY ÁRA, en (http://lenguaguarani.blogspot.com/2016/10/7-de-octubre-dia-de-la-so...)

Leer HUGUY ÑANE RETÂ, en (http://lenguaguarani.blogspot.com/2016/08/huguy-nane-reta-en-memori...)