HUGUY ÑANE RETÂ
Ohai: David Galeano Olivera
Leer
original (hacer clic)
en
(http://cafehistoria.ning.com/profiles/blogs/huguy-ane-ret-en-memoria-de-los-asesinados-en-arroyito)
Leer
también en
(http://lenguaguarani.blogspot.com/2016/08/huguy-nane-reta-en-memoria-de-los-8.html)
Asimismo
leer en
(https://dgaleanolivera.wordpress.com/2016/09/01/huguy-nane-reta-en-memoria-de-los-8-asesinados-en-arroyito/)
I
Ajépango ivai
Ñane retâme ojehúva
Jahechávo ava aña
Ojukáva ipehênguépe
Arroyito-pe ojehu ha
Opavave ñambyasy
Mbokángo upépe ondyvu ha
Ñane retâ ombohuguy.
II
Jejuka ndaha'éi pohâ
Jejukángo ivai ha
Ivaive ojehúrô
Oñopehêngue apytépe.
Anivéna che retâygua
Mbokaita jaipuruve
Hapykuerépe ohejágui
Omanóva retekue.
III
Mbokángo ivai
Ndaha'éi tembipuru ha
Manómante ogueru
Anivéna ñamyenyhê
Tyre'ŷ, tesay ha tuguýgui
Ñane retâ porâite.
Iporâma che retâygua...
Ñamboguéna jejuka
IV
Tekotevêma oĝuahê
Ára Pyahu porâite
Toñuvâ ñane retâme
Péva ojehu vove
Mbokarângue jahecháta
Omimbírô mborayhu ha
Jejukarângue jahecháta
Ojajáirô tekove
V
Yvypóra ñande rekópe
Jaikova'erâ joayhupópe
Ñamyasâike mborayhu,
Jekupyty ha tory
Ñandéngo oñopehêngue
Jaikova'erâ oñondive
Aipórôngo jejuka
Ndaha'éi ñanemba'e
(En memoria de los 8 hermanos asesinados en Arroyito)
ooo000ooo
Ver HUGUY ÑANE RETÂ, en (https://www.youtube.com/watch?v=AuJcNSZOYF4&feature=em-upload_o...)
Leer HUGUY ÑANE RETÂ, en (http://lenguaguarani.blogspot.com/2016/08/huguy-nane-reta-27-de-ago...)
ooo000ooo
Leer POESÍA ANTERIOR: YKUA BOLAÑOS, en (http://lenguaguarani.blogspot.com/2016/07/ykua-bolanos.html)
No hay comentarios:
Publicar un comentario