CHE RU KARAI JUAN BENIGNO GÓMEZ

CHE RU KARAI JUAN BENIGNO GÓMEZ

Ohai: Pablino Gómez Vera

Leer original (hacer clic) en (http://cafehistoria.ning.com/profiles/blogs/che-ru-karai-juan-benigno-g-mez)

Leer también en (http://lenguaguarani.blogspot.com/2016/10/che-ru-karai-juan-benigno-gomez.html)

I

Maymavete tohendu
Ko'ápe amombe'úva
Che ru Juan Benigno
Rembiasa ore ykére.

Karai Guasu Juan Benigno Gómez

II

Ha'e karai jojaha'ŷ

Kavaju ári oikóva
Ipire anambusu

Kuarahy ohapy.

III

Mandu'ápe opyta
Henda moro ha tordillo
Rosillo arúko ha mburika

Âva hymba mba'apoha.

IV

Ko'ê mboyve

Kyre'ŷme opu'âva
Ñúre oho haĝua
Ombojere hymba.

V

Asaje pyte tinívo

Ojere karurâ

Ña Delia ijykére

Tapŷimi porâitépe.

VI

Kuarahy aku rire
Omboguy ikavaju

Omboy'u omokuarahy'â

Topytu'u pe asaje.

VII

Che ru upe aja
Yvapovô guýpe
Inimbe térâ kyhápe
Oñeno orambimi

Hete kane'ô topytu'u.

VIII

Upeichahágui

Hatâ osapukái

Iképe ohecha
Umi hapykuere.

IX

Ohechávaicha Indio
Ha'evéva jagua

Ohórô javoráipe

Sururúpe oike.

X

Upérupi omuña, teju,

Tatu, tapiti ha kaguare

Upéinte ndojerevéi, okañy
Upémarô osê oheka.

XI

Ojuhu karaguatatýpe
Vaicha ku okéva
Ha ohupi oañuâvo
Ohecha orekoha ipyapýre

Mokôi jarara râimbore.

XII

Peguahópe opyta
Upe jagua katupyry
Upéi heta ary rire
Ogueru hekoviarâ
Pillin jagua'i porâite.

XIII

Opáysapy'a, oguapy, opu'â

Kuarahy oike mboyve
Osê hymba lechéra reka
Ani vakara'y vare'a
Okambupa jepe chugui.

XIV

Oguapymi tataypýpe
Mitânguéra apytépe
Ndaipóri ha'eichagua
Hekoitépe omombe'úva
Opaichagua káso.

XV

Umíva apytépe
Oî ka'i, aguara,

Guasu pytâ'i, Peru
Pychâichi ha pombéro.

XVI

Ña Delia, ore sy
Omano rire

Pya'eteve ituja
Ko'áĝa ika'arúma
Sa'ietevéma oku'e.

XVII

Rasaite ipuku ko tape
Oipykúiva che ru
Upeichavérô jepe
Akóinte hetia'e.

XVIII

Rovy'aite heseve
Ta'yrakuéra roiméva

Ohechaukáre oréve

Ipotîva tape
Teko porâve rekávo.

XIX

Ipahaitépe iñemoñare
Emilia, Alicia, Francisco,
Marta, Pablino, Antonio
Ha José Benigno
Rome'ê chupe aguyje.

XX

Aguyje imborayhúre
Aguyje ore rekombo'ére
Aguyje heko marangatúre
Aguyje hetaite mba'e porâre
Ore ru "Karai Guasuete".

Aguyje

Pablino Gómez Vera

14/10/2016

ooo000ooo

Ver CHE RU KARAI JUAN BENIGNO, en (https://www.youtube.com/watch?v=BYltN3ntDh8&feature=em-upload_o...)

ooo000ooo

Leer PABLINO GÓMEZ VERA, en (http://www.portalguarani.com/1519_pablino_gomez_vera.html)

Leer SE PRESENTÓ “LOS ÑE'ÊNGA EN LA CULTURA PARAGUAYA”, en (https://dgaleanolivera.wordpress.com/se-presento-el-libro-los-neeng...)

Ver JEPE'E, en (https://www.youtube.com/watch?v=zC9_lm85C7s)

Ver SAPATU PYAHU, en (https://www.youtube.com/watch?v=jW7FHN9wGx8)

Ver CHE SY, en (https://www.youtube.com/watch?v=p6xO_9xSCsA)

Ver YVYTU, en (https://www.youtube.com/watch?v=f726DBHIek0)

Blanca Lilia, Pablino ha Emilia Arami

Leer PRESENTAN ESCRITO EN GUARANI ANTE JUZGADO EN ARGENTINA – ULTIMA HORA, en (http://m.ultimahora.com/presentan-escrito-guarani-un-juzgado-argent...)

Ver ENTREVISTA A PABLINO GÓMEZ – PARAGUAY TV, en (https://www.youtube.com/watch?v=se-CRHe5zDo)

Ver FESTIVAL PÉICHA OPURAHÉI CHE RETÂ, en (https://www.youtube.com/watch?v=ZC55lGQZ12I)

Ver MAG TV, en (https://www.youtube.com/watch?v=sPe8ytreUu8)

Leer ÁRA HA PYHARE, en (http://lenguaguarani.blogspot.com/2009/01/pablino-gmez-ra-ha-pyhare...) – También en ABC COLOR, en (http://www.abc.com.py/edicion-impresa/suplementos/escolar/namone-ha...)