ARAYVOTY - PRIMAVERA

ARAYVOTY - PRIMAVERA

Ohai: David Galeano Olivera

Leer original (hacer clic) en (https://lenguaguarani.blogspot.com/2020/05/arayvoty-primavera-ohai-david-galeano.html)

Leer también en (https://dgaleanolivera.wordpress.com/2020/05/24/arayvoty-primavera/)

I

Ajéiko iporâite ko ára pyahu ko'ê

Kuarahy iñapysê, ojajái ha omimbi

Yvága kakuaaite hovy ha ipotî asy

Arai morotîmimi vy'ápe isaraki

II

Ñane ñe'ângo hory ha otytýi kyre'ŷve

Japáy, ñapu'âmívo, ñaneañuâ piro'y

Yvyramimi rovyû ára pyahu omoirû

Ha hendive ogueroike arayvoty porâite

III

Yvoty ryakuâmimi ára ko'ê ombojegua

Guyra purahei rory ñande apysa ombovy'a

Ha yvytu hesâietéva ñande reko ombopiro’y

Vaichantevoi vy’aguasuete ojahaitypoha oparupirei

IV

Ñaimo’â avei ipyahujeýva ñande rekove

Ñane ângami henyhêmbaite mborayhu potîgui

Tetia'e, vy’a ojehaitypo ñande rekohápe

Ha kunu’ûpópe ñande ykereguápe jahecharamo

V

Péicha iko’ê ára porâite ha ijojaha’ŷva

Oñepyrûháme arayvoty, mitârusu ára

Ñande Ru ome’êva mayma tekovépe

Ikatu haĝua jagueroayvu hembiapo katu

VI

Jahecharamóke arayvoty, che rapichakuéra

Ha hesevemi ñande rekove taipyahujey

Ojoapytépe ñamombarete mborayhu, vy'a

Ha ñamboyketéke ñaña, pokarê ha tekoky'a.

ooo000ooo

Ver YOUTUBE, en (https://www.youtube.com/watch?v=IxmUjl1cTxk&feature=youtu.be)

Leer MITÂRUSU, en (https://lenguaguarani.blogspot.com/2020/05/mitarusu.html)