SEBASTIANA, KUÑA PYAPY, MBARETE

SEBASTIANA, KUÑA PYAPY, MBARETE

Ohai: David Galeano Olivera

Leer original (hacer clic) en (https://lenguaguarani.blogspot.com/2020/05/sebastiana-kuna-pyapy-mbarete.html)

Leer también en (https://dgaleanolivera.wordpress.com/2020/05/30/sebastiana-kuna-pyapy-mbarete/)

I

Sebastiana niko nderéra

Kuña pyapy, mbarete

Reikóva Yvysunúme

Amoite Guarambarépe

Upépe nde rogamíme

Py'arorýpe reiko.

Upéinte peteî ára

Ne menami ojehekýi

Ha reñepyrû reguata

Ne membymimi nde ykére

Remonde, remongaru,

Rehekombo'e, rehayhu

Ha rejapo chuguikuéra

Tekove marangatu.

  

II

Péina ko ára

Kuarahy osê mboyve

Ne ánga potî jajái

Nde retemígui osê

Ha vy'apópe ojupi

Yvate, yvatete

Tupâ ykére oho

Tapiaite opytu'úvo

Arakue rehesapéta

Ha pyharekue

Ndehegui oikóta

Mbyja mimbi porâite

Yvatégui oñangarekóva

Opavave ipehênguére

(Chemandu'ávo Sebastiana Núñez de Vaesken rehe, ha'éva che angirû Alfredo Vaesken Núñez, sy marangatu)

ooo000ooo

Ver YOUTUBE, en (https://www.youtube.com/watch?v=mtqXrPsHzfg)

Leer AGUYJE FÉLIX FERRARI, en (https://lenguaguarani.blogspot.com/2019/09/aguyje-felix-ferrari.html)