MITÂRUSU

21 de setiembre: MITÂRUSU ÁRA – DÍA DE LA JUVENTUD

MITÂRUSU

Ohai: David Galeano Olivera

Leer original (hacer clic) en (https://lenguaguarani.blogspot.com/2020/05/mitarusu.html)

Leer también en (https://dgaleanolivera.wordpress.com/2020/05/24/mitarusu/)

I

Péinama oĝuahê

Ára porâite ha ijojaha'ŷva

Yvága hovy, kuarahy jajái

Ha yvotymimi omomaiteíva

Upévango hína

Mitârusu ára, che rapichakuéra

Néike javy'a ha ñamomorâ

Ára guasuete

II

Epáyke mitâ

Mitârusumi

Mitâkuñami

Ha ehasa vy'a

Ha pukavymíme

Ára iporâitéva

Ha nde rekove

Tahenyhête

Tesâi ha torýgui

Akói tomimbi,

Tovera hendy,

Tojajái asy,

Ha tapiaite

Tombopiro'y

Ñande rekoha.

III

Ehechakuaáke

Nde rekovemi

Mbeguekatumi

Ityarô ohóvo

Ha upéicha avei

Nesâsoveha

Reikove haĝua

Ndejeheguiete

Ani neraĝe

Eipuru ne akâ

Ha eiporavo

Tape ipotîvéva

Ha eñemboyke

Mba'evaietágui

Ikatúva hína

Nemopysânga

Ha nemomarâ

IV

Ñande Ru guasúpe

Añepomoî ha ajerure

Nde rekovemíre

Toñangareko

Ha toisâmbyhy

Ne renonderâ.

Néike mitâmi,

Mitârusumi,

Mitâkuñami

Jaguerovy'a

Ha ñamomorâ

Ko nde árami,

Yvága hovy,

Kuarahy jajái

Ha yvotymimi omomaiteíva

(Ahechakuaávo che rajy ha che ra'ykuérape)

ooo000ooo

Ver YOUTUBE, en (https://www.youtube.com/watch?v=nB8Pb97MfHQ&feature=youtu.be)

Leer ARAYVOTY, en (https://lenguaguarani.blogspot.com/2020/05/arayvoty-primavera-ohai-david-galeano.html)

Leer MAMÓPA REIME MITÂKUÑA’I, en (https://lenguaguarani.blogspot.com/2020/05/mamopa-reime-mitakunai.html)