FÉLIX FERNÁNDEZ

FÉLIX FERNÁNDEZ

Ohai: David Galeano Olivera

Leer original (hacer clic) en (https://lenguaguarani.blogspot.com/2019/09/felix-fernandez.html)

       Félix Fernández Galeano niko heñoi'akue táva Itaugua, Paraguay retâme, ára 18 jasypoköi ary 1897-pe. Itúva hérava'ekue José Dolores Fernández, ysapu mbopuha ojeherova'ekue “Lolo arpéro”, ha isýkatu herava'ekue Petrona Galeano de Fernández. Itúva niko omoheñoiva'ekue ipype pe mborayhu añetete ñane tavarandúre. Félix Fernández niko ñe'êpapára, purahéi apohára ha puraheihára. Hembireko herava'ekue María Gallardo ha oreko 5 ñemoñare: Ana, Firnan, Pedro, Leopoldo ha Anabella.

       Oñemoarandu ñepyrû itávape ha avei upéi Paraguaýpe. Oikékuri Tahachi Mba'epu'atýpe ha upépe imbo'eharakué: Nicolino Pellegrini ha Salvador Déntice; ha iñirûngue katu: Darío Gómez Serrato, José Asunción Flores, Mauricio Cardozo Ocampo, Gerardo Moreno, Manuel Rivas Ortellado, Gerardo Fernández Moreno, Rudecindo Lugo ha Aniceto Vera Ibarrola.

       Columbia Mbo'ehaovusúpe, Missouri, Estados Unidos retâme, oñemoarandúkuri ñe'êporâhaipyrépe ha avei oiko ichugui ñe'ê'asahára. Imitârusu guive ohai ñe'êpoty guaraníme. 1923-pe iñapysê hembiapo hérava "Mborayhu paha". Félix Fernández niko avei Guarani ñoha'ânga moñepyrûha, Francisco Martín Barrios, Roque Centurión Miranda ha Julio Correa ndive. Ohai: "Cerro Kora", "Ñasaindýpe", "Reservista purahéi", "Vy'a'ỹ jave", "Nde ratypykua", Tupâsy Ka'akupe", "Cherendumi María Ana". Hembiapokue “Cerro Kora”, ombopuraheiva'ekue Herminio Giménez, upévagui oikokuri Paraguay retâ purahéi teete.

       Félix Fernández omanókuri ára 13 jasyporundy ary 1984-pe, táva Itaugua, Paraguay retâme, orekórôguare 87 ary.

NDE RATYPYKUA

I

Epukavymína mitäkuña che mborayhu jára

Tahechajey nde juru mboypýri nde ratypykua

Nde rova yképe ikuäme oikutuva’ekue Ñandejára

Ha ipyko’ëmíva opyta opupu mborayhu ykua

II

Ka’aru pytü jasy tomimbi nde rova mbytére

Ha tory rupápe toñoñañua ñane mborayhu

Tuka’ë ra’ävo oñondivete tojeity ojuapére

Tojahu hikuái nde ratypykuápe upe ka’aru

III

Epukavymína mitäkuña chepy’ara’äva

Hoy’umisetéko ipepo paráva upe ñahatï

Nde ratypykuápe guare ymínte oipy’ajukáva

Ha ipepo akämínte omoakÿsete moköi panambi

IV

Nde rova yképe ikuäme oikutuva’ekue Ñandejára,

Ha ipyko’ëmíva opyta opupu mborayhu ykua,

Repukavymírö mitäkuña che mborayhu jára,

Taropurahéi nde juru mboypýri nde ratypykua.

ooo000ooo

Ver NDE RATYPYKUA, en (https://www.youtube.com/watch?v=dfnocE_ey5c)

Ver VY'A'Ỹ JAVE, en (https://www.youtube.com/watch?v=cwp3VbEEhtU)

AGUYJE FÉLIX FERRARI

AGUYJE FÉLIX FERRARI

Ohai: David Galeano Olivera

Leer original (hacer clic) en (https://lenguaguarani.blogspot.com/2019/09/aguyje-felix-ferrari.html)

I

Ajépango ivaiete

Ñane retâme ojehúva

Tapicha hetârayhúva

Ñuha guasúpe ho'a.

Añaretâgui osê

Umi añamemby ivaivéva

Samura rembiguái atýra

Chupe omosâso hag̃ua.

Oñepyrûma upépe

Mboka guasu guasuete

Ápe ha pépe ondyvu

Ha peichahápe

Ojapi, ohupyty

Félix Ferrari rete

Ha mba'eve'ỹramoguáicha

Umi añamembyre

Hekove ombopaha.

Ferrari omoî hete

Omoañetévo iñe'ê

Ikatuha peteî ára

Ome'ê pe hekove

Ñane retâ rayhupápe.

 

II

Upe ára vaípe

Ferrari ha ijykéregua,

Ita'ýra tahachi,

Ojapónte hembiapo

Omoirû ha ogueraha

Pe moñái hekotujúva

Samura-pe ojekuaáva,

Emboscada ka'irâime,

Ha tapére osê chupe

Umi añamemby atýra

Mboka guasueta ipópe

Omboperepepe, omosunu

omboparapa upe tenda.

Upéicha omano Ferrari

Ha tyre'ỹme oheja

Opavave hogayguápe

Ha iñangirû maymavépe.

Ha'éngo añetehápe

Kuimba'e py'aguasu,

Upe ka'aru guive

Mandu'arâme opytáva.

III

Péicha jave ñambyasy

Mba'éichapa mburuvicha

Ndohechakuaái, o'apo'i

Policía rembiapo.

Ojoguarângue chupekuéra

Mboka, mba'yru,

ao ha ambue tembipuru

Ymaitéma oikotevêva

Ha'ekuéra -po guasu-

Omombo pirapire

Vyrorei opaichaguápe

Ha oheja tahachípe

Ao vuvuimi ijapére

Ombohovái hag̃ua

Umi añamemby atýra

Henyhêva mboka guasúgui.

IV

Aguyje Félix Ferrari

Nde rekove reme'êre.

Hi'âiténte ne mano

Omombáy mburuvicha

Ha ñane retâ porâitépe.

Ajerure po guasúpe

Toñangareko tetâyguáre

Hi'âitémango ojapo

Mba'e iporâ añetéva

Ha tomboyke

Pokarê, tovamokôi,

Ñembotavy ha oparei

Péichante jahavérô

Mombyryvéta ohóvo

Pe tetâ jaipotaitéva

Ipoty ha hi'ahápe

Tekojoja, py'aguapy,

Tekosâso ha vy'a.

Néike che retâygua

Oñondivemante ikatúta

Paraguay ñampu'â

Tomimbi ha tojajái

Opavavetépe g̃uarâ

ooo000ooo

Ver AGUYJE FÉLIX FERRARI, en (https://www.youtube.com/watch?v=sEZzMnV31K4)

Ver SABINO OMANO, en (https://lenguaguarani.blogspot.com/2017/04/sabino-omano.html)

ANÍKE REJEJUKASÉMBA'E - 10 DE SEPTIEMBRE: DÍA DE LA PREVENCIÓN DEL SUICIDIO

10 DE SEPTIEMBRE: DÍA DE LA PREVENCIÓN DEL SUICIDIO

ANÍKE REJEJUKASÉMBA'E

Ohai: David Galeano Olivera

Leer original (hacer clic) en (https://lenguaguarani.blogspot.com/2019/09/anike-rejejukasembae-10-de-septiembre.html)

I

Mba'etekópa che angirû

Mba'éichapa reikomi

Hi'âiténgo tapiaite

Nde rekove henyhê

Opaite mba'e porâgui,

Ha oimérô peichahágui

Neañomi rejehecha

Ha ereko ndekutu'asýva

Ne korasô mbytetépe.

Vaicha ndéve

Mba'evéma naiporâvéi

Ha nde rekovemi

Ipahápe remog̃uahêse.

Aníke upehaguére

Rejejukasémba'e.

Upévango naiporâi

Emboguetéke ne akâgui.

Aníke reñeme'ê,

Akóike eñorairô.

Tekovéngo iporâ.

Eikuaáke ikatuha

Ko'êrô iñambue

Ha mba'e vai rekovia

Nde rekove henyhêta

Opaite mba'e porâgui.

 

II

Péicha reñeñandu jave

Eheka rehayhuvévape

Taha'e nde sy, nde ru,

Ikatu ne angirû térâ

Ambue ne pehêngue

Ha eñe'ê hendive,

Chupéke emombe'u

Upe mba'e ndeapyhýva.

Katueténgo rejuhúta

Peteî tape pyahu

Nde rekovépe g̃uarâ,

Upégui reiko hag̃ua

Py'arory ha vy'a,

Py'aguapy, tetia'épe.

Eikuaáke che angirù

Ndepypéngo oîha

Pu'aka ha mbarete

Ikatúva nenohê

Maymaite tape pytûgui

Ha ikatúva avei

Nemoakârapu'â

Ha ndereraha tenonde.

Upévare che angirû

Aníke reñeme'ê

Eñorairôke akói

Ha nde rekove...

Tahoky, taipoty ha tahi'ajey,

Tovera, tomimbi ha tojajái

Ha tahenyhê mborayhu

Ha ijapyra'ỹva vy'apavégui.

ooo000ooo

Ver en YOUTUBE (https://www.youtube.com/watch?v=YJq7QKGFCdE)

Leer PU'AKA, en (http://lenguaguarani.blogspot.com/2016/07/puaka_21.html)

TANEKO'ẼPORÃITE 09-09-19 DAVID GALEANO OLIVERA

LA UNIVERSIDAD NACIONAL DE ASUNCIÓN INICIA PARO ACADÉMICO PORQUE EL ESTADO INCUMPLE ACUERDO

LA UNIVERSIDAD NACIONAL DE ASUNCIÓN INICIA PARO ACADÉMICO PORQUE EL ESTADO INCUMPLE ACUERDO

Por: David Galeano Olivera (*)

Leer original en (https://lenguaguarani.blogspot.com/2019/09/la-universidad-nacional-de-asuncion.html)

       A partir de la fecha 02 de setiembre de 2019 y en el mes en el cual cumplirá 130 años de fructífera vida, la UNIVERSIDAD NACIONAL DE ASUNCIÓN inicia el PARO ACADÉMICO ACTIVO INDEFINIDO porque el Estado incumplió el acuerdo suscrito, tendiente a concretar una justa y digna REPROGRAMACIÓN DE LA NIVELACIÓN SALARIAL DOCENTE en este año 2019. Dicho paro académico fue resuelto por el Consejo Superior Universitario y afecta a todas las Unidades Académicas, Institutos y Centros de la UNA, hasta que el MINISTERIO DE HACIENDA envíe al Congreso Nacional el mencionado proyecto de reprogramación.

       Que tristeza y que pena sentimos ante el proceder injusto y autoritario del Ministerio de Hacienda. Así las cosas, debido a la actitud arbitraria del Ministro de Hacienda el país perderá varios días que debían destinarse a la formación de recursos humanos calificados y es él quien le está dando el “golpe bajo” a la Patria, allí donde más le duele: en la educación. Que quede claro que el irresponsable incumplidor del acuerdo es el propio Ministerio de Hacienda que, lejos de priorizar a la educación, la ningunea. Entonces de qué proyectos de desarrollo y de fortalecimiento del Paraguay nos habla el presidente, cuando su propio hermano, es el encargado de asestar el golpe más duro al sector educativo?,

       Lejos de ocuparse de los grandes intereses nacionales, el Ministro trata de aplicar la receta internacional que solamente apunta a la degradación de los países subdesarrollados como el nuestro y a asegurar su dependencia de los grandes centros de poder. Por otro lado y con toda seguridad, el Ministro y sus colaboradores se encargaron, en primer lugar, de autoasignarse sus jugosos y siderales sueldos, bonificaciones, gratificaciones y demás, que dicho sea de paso distan pero muy lejos de la burda equiparación salarial que los docentes universitarios reclamamos, tras más de una década de inequidad salarial.

       Como siempre, en circunstancias como ésta, Hacienda hace escuchar su tradicional discurso de “no hay dinero” pero sin embargo la realidad cotidiana nos demuestra que sobra plata, cuando saltan a la luz pública los desfalcos o los hechos de corrupción. Por otro lado, mientras los docentes universitarios reivindicamos migajas como parte de nuestra nivelación salarial, en Itaipu y Jasyreta, los sueldo más bajos están por encima de los cincuenta o ciento cincuenta millones; por consiguiente, hay dinero y nosotros los docentes universitarios -por la envergadura de nuestra labor- exigimos, por lo bajo, el cumplimiento del acuerdo suscrito en relación a la nivelación salarial.

       Sin duda, es una verdadera vergüenza que los docentes -en lugar de dar clases- salgamos a las calles a protestar por nuestras reivindicaciones, cuando que el Estado responsable debería -sin reclamo de por medio- garantizar la labor docente, blindándola con salarios que nos permitan vivir del ejercicio del magisterio. Basta ya! de tener que andar deambulando de una institución a otra para juntar un “puchito” aquí y otro más alla para, a fín de mes, lograr cubrir nuestras necesidades básicas.

       El único camino, la única clave, que tiene el Paraguay para salir de la pobreza y la ignorancia es la educación. Es hora que las autoridades que tanto se precian, de boca para afuera, de su amor a la Patria, de una buena vez por todas, apunten a la Patria Soñada de Carlos Miguel Jiménez y hagan de la educación -sobre todo- la universitaria, una Causa Nacional, renovando y creando las infraestructuras necesarias, fomentando la calidad en la formación, la investigación y la extensión universitaria y fundamentalmente pagando a los docentes el sueldo digno que se merecen, como en cualquier otro país desarrollado del mundo.

       NIVELACIÓN SALARIAL DOCENTE YA!

(*) Profesor Titular y ex Director General Académico de la Universidad Nacional de Asunción.

ooo000ooo

Leer PUBLICACIÓN ANTERIOR, en (https://lenguaguarani.blogspot.com/2018/11/la-una-se-merece-un-presupuesto-digno.html)