Lengua Guarani

Lengua Guarani
Ára Pyahu

martes, 31 de diciembre de 2019

DESIDERATA - TEMBIPOTA

DESIDERATA – TEMBIPOTA
De: Max Ehrmann. Ohai Guaraníme: David Galeano Olivera
Camina plácido entre el ruido y la prisa,
Eguata py'arorýpe tyapu ha py'arag̃e pa'û rupi,
Y piensa en la paz que se puede encontrar en el silencio.
Ha ehechakuaa py'aguapy ikatuha rejuhu kirirĩme,
En cuanto te sea posible y sin rendirte, mantén buenas relaciones con todas las personas.
Ija vove ndéve ha reñeme'ẽ'ỹre, eñeha'â eiko porâ opavave tapicha ndive


Enuncia tu verdad de una manera serena y clara,
Ere upe regueroviáva py'aguapýpe ha hesakâhag̃uáicha,
Y escucha a los demás,
Ha ehendu nde rapichamimíme,
Incluso al torpe e ignorante,
Avei upe ipituva ha itavývape,
También ellos tienen su propia historia.
Ha'ekuéra avei oguereko hembiasamimi.
Evita a las personas ruidosas y agresivas,
Eñemboykéke umi tapicha ijayvu ha iñañávagui,
Ya que son un fastidio para el espíritu.
Umíva omyangekôigui ñande rekove pytu.
Si te comparas con los demás,
Eñembojojárõ ambuekuéra ndive,
Te volverás vano y amargado
Oikóta ndehegui tekove nandi ha ijaýva
Pues siempre habrá personas más grandes y más pequeñas que tú.
Akóinte oĩtagui tekove tuichavéva ha michĩvéva ndehegui.
Disfruta de tus éxitos, lo mismo que de tus planes.
Evy'a umi mba'e rehupytývare, avei umi embosako'ívare.
Mantén el interés en tu propia carrera,
Akóike ejesareko nde rape renonderãre,
Por humilde que sea,
Ndatuicháiramojepe,
Ella es un verdadero tesoro en el fortuito cambiar de los tiempos.
Ha'éngo peteî itaju añetetéva ko arapy iñambuehápe opaite mba'e.
Sé cauto en tus negocios,
Ejesarekoporãke umi ne mba'erepýre,
Pues el mundo está lleno de engaños.
Ko yvórango henyhê japurekógui.
Mas no dejes que esto te vuelva ciego para la virtud que existe,
Ani reheja upe mba'e nemoresatû ha nderehechakuaái oîha tekopyjegua,
Hay muchas personas que se esfuerzan por alcanzar nobles ideales,
Oĩngo heta tapicha oñeha'ãva ohupyty umi tembipota ijyvatevéva,
La vida está llena de heroísmo.
Tekovéngo henyhê mba'ekatuguasúgui.
Sé sincero contigo mismo,
Aníke ndejapu ndejupe,
En especial no finjas el afecto,
Aníke ndejapu re'andúvo nde rapichápe,
Y no seas cínico en el amor,
Ha aníke reporombotavy mborayhu me'ême,
Pues en medio de todas las arideces y desengaños,
Opaite tekonandi ha porombotavy apytépe
Es perenne como la hierba.
Ha'e ojogua umi ñana heko'arévape.
Acata dócilmente el consejo de los años,
Eñakâitýke arykuéra ñe'êmondo renondépe.
Abandonando con donaire las cosas de la juventud.
Ha eñemboyke jerovu'ỹre mitârusu rekógui.
Cultiva la firmeza del espíritu para que te proteja de las adversidades repentinas,
muchos temores nacen de la fatiga y la soledad.
Eñeha'âke emombarete nde reko ikatuhag̃uáicha regueropu'aka oimeraê jehasa asy, heta kyhyje niko heñói kane'ô ha teko'añógui.
Sobre una sana disciplina, sé benigno contigo mismo.
Emongakuaáke tekopy potî, akóinte nderekokatu hag̃ua nendivevoi.
Tú eres una criatura del universo,
Ndéniko peteî arapy tekove,
No menos que los árboles y las estrellas,
Nanemichîvéiva yvyra ha mbyjakuéragui,
Tienes derecho a existir,
Reikova'erâ ambuekuéraicha,
Y sea que te resulte claro o no,
Ha hesakâ térâ hesaka'ỹrô ndéve,
Indudablemente el universo marcha como debiera.
Jejavy'ỹre arapýngo oku'e tekotevêháicha,
Por eso debes estar en paz con Dios,
Upévare reimeva'erâ py'aguapýpe Tupâ ndive,
Cualquiera que sea tu idea de Él,
Taha'eha'eháicha nde jerovia Hese,
Y sean cualesquiera tus trabajos y aspiraciones,
Ha taha'eha'éva ne rembiapokuéra ha umi ne remira'ârô
Conserva la paz con tu alma en la bulliciosa confusión de la vida.
Akóinte ne ánga taipy'aguapy ko ñande rekove sarambi ayvuetépe.
Aún con todas sus farsas, penalidades y sueños fallidos,
Opaite tekojapu, ñembyasy ha kerayvoty ndojehupytýivagui,
El mundo es todavía hermoso.
Ko yvóra niko iporâitereirasa gueterei.
Sé cauto.
Neakâguapýke.
Esfuérzate por ser feliz”.
Eñeha'âke nevy'apavê hag̃ua”.

ooo000ooo

Ver DESIDERATA – TEMBIPOTA, en (https://www.youtube.com/watch?v=AFJ5mcRA924)




DESIDERATA - TEMBIPOTA 31-12-19 DAVID GALEANO OLIVERA

viernes, 13 de diciembre de 2019

BRUNITO, YVATE OVEVE

BRUNITO YVATE OVEVE
Ohai: David Galeano Olivera
I
Brunito ha'e
Mitâ porâite
Ha ijojaha'ỹva
Mborayhu sakâ
Ha tory añete
Opárupi omyasâi
Jepémo hasy
Pukavy, vy'águi
Omyanyhêmba
Ñande rekove
Ha ombohory
Ñane korasô
 

II
Brunito ha'e
Tupâ pehêmi
Mborayhu ryru
Ijurúgui osêva
Ñe'ê porâite
Aguyje ome'êvo
Tupâ, Ñande Rúpe
Ajépa ijuky
Ha imarangatu
Mitâ porâite
Tupâ ra'ymi
Hekoporâitéva

III
Ha'éngo ou
Ha ohechauka
Opavavetépe
Tekotevêha
Jaiko joaju ha
Kunu'û pópe
Ha anive hag̃ua
Ñaña, ñokarâi
Omoypytû
Ñande rapemi
Koichaite asy
Brunito ombo'e
Tapicha maymápe

IV
 mba'e rire
Omboty hesa
Torýpe oveve
Yvate ojupi
Ánga morotî
Angami sakâ
Overa, omimbi
Ha ojajaipa
Ha'e nomanói
Ha'e isâsónte
Oho ombovy'ávo
Tupâ, Ñande Rúpe

(Bruno Martínez rehe chemandu'ávo. Ojehekuiva'ekue 11-12-19)

ooo000ooo





BRUNITO, YVATE OVEVE 13-12-19 DAVID GALEANO OLIVERA

viernes, 8 de noviembre de 2019

8 DE NOVIEMBRE: DÍA DEL INVESTIGADOR PARAGUAYO

DÍA DEL INVESTIGADOR PARAGUAYO – PARAGUAY TEMBIKUAAREKAHÁRA ÁRA
Ohai: David Galeano Olivera
       El día 8 de noviembre de cada año se recuerda el DÍA DEL INVESTIGADOR PARAGUAYO. Esa fecha fue establecida por el CONSEJO NACIONAL DE CIENCIA Y TECNOLOGÍA (CONACYT) ya que el día 8 de noviembre del año 2011 fue aprobada la primera promoción de investigadores categorizados en el Programa Nacional de Incentivo a los Investigadores (PRONII). Conviene recordar que el Conacyt es el ente rector en materia de investigación en nuestro país. Ára 8 jasypateî ñavô arygua ojegueromandu'a PARAGUAY TEMBIKUAAREKAHÁRA ÁRA. Upe arange omoîkuri TETÂYGUA TEMBIKUAATY HA APOREKOKUAA ATY (CONACYT) imandu'ávo ára 8 jasypateî ary 2011-re oñemboajehaguépe tembikuaarekahára mohendapyréva aty peteîha ijáva Tetâygua Apopyrâ Tembikuaarekahára Mbohetia'eha (PRONII)-pe. Iporâ ñanemandu'a Conacyt ha'eha pe oisâmbyhýva tembikuaareka ñane retâme.


       Cada día aumenta el número de investigadores en nuestro país, constituido preferentemente por docentes universitarios, egresados y estudiantes, quienes desarrollan sus trabajos de investigación ya sea en forma individual o en forma colectiva. Cabe recordar que entre las finalidades de las universidades, junto a la formación académica, se encuentra la investigación. Ver más información en el sitio del Conacyt (https://www.conacyt.gov.py/). Ñavô ára heta hetave ohóvo umi tembikuaarekaára ñane retâme, oîháme mbo'ehaovusu mbo'eharakuéra, omohu'âva'ekue ha temimbo'ekuéra, omotenondéva hikuái hembiapokuéra tembikuaareka rehegua peteîteî térâ aty rupive. Tekotevê ñanemandu'a mbo'ehaovusu hupytyrâ apytépe, ñemoarandu ykére oîha tembikuaareka.

       Conviene destacar también que desde el día 18 de mayo del año 2017 tenemos en nuestro país el periódico de divulgación científica, CIENCIA DEL SUR (https://cienciasdelsur.com/), dirigido por el periodista Eduardo Quintana. Iporâ jahechakuaami avei ára 18 jasypo ary 2017 guive jaguerekoha ñane retâme tembikuaaty momaranduha hérava CIENCIA DEL SUR, oisâmbyhýva momaranduhára Eduardo Quintana (http://lenguaguarani.blogspot.com/2017/05/presentacion-del-diario-especializado.html).

       En el mundo Guarani podemos recordar a reconocidos investigadores que aportaron valiosos conocimientos a la Lengua y la Cultura Guarani, así: Moisés Bertoni, León Cadogan, Branislava Susnik, José Perasso, Dionisio González Torres, Reinaldo Julián Decoud Larrosa, Antonio Guasch, Pedro Moliniers, José Valentín Ayala, Félix de Guarania y Natalia de Canese, entre muchos otros. Guarani mba'ekuaáre ñañe'êvo tekotevê ñanemandu'a umi tembiakuarekahára hechapyrâva heta mba'e ojuhúva térâ omohendaporâva Guarani Ñe'ê ha Rekópe, péicha: Moisés Bertoni, León Cadogan, Branislava Susnik, José Perasso, Dionisio González Torres, Reinaldo Julián Decoud Larrosa, Antonio Guasch, Pedro Moliniers, José Valentín Ayala, Félix de Guarania ha Natalia de Canese, hetaiteve apytépe.

ooo000ooo

Leer PREMIO NIDIA SANABRIA DE ROMERO A LA INVESTIGACIÓN 2019, en (https://cienciasdelsur.com/2019/11/01/premio-nidia-sanabria-de-investigacion-2019-ya-tiene-ganadores/)