AJÉPANGO IPORÃITE GUYRAMIMI PURAHÉI

AJÉPANGO IPORãITE GUYRAMIMI PURAHÉI

Ohai: David Galeano Olivera

Leer original (hacer clic) en (https://lenguaguarani.blogspot.com/2025/03/ajepango-iporaite-guyramimi-purahei.html)

Ajépango iporãite

Voi porã ñapu’ãvo

Ha okápe ñasẽguévo

Jahecha ha ñahendu

Guyramimi jeju jeho

Ohendukáva iñe’ẽ

Ijayvu ha opurahéi

Vy’apópe ombohory

Ára pyahu porãite

Tetia’e ha sarakípe

Ápe ha pépe oveve

Ojoayhu añetete

Ha ojohecharamoite.

Ndaipóri ombojojáva

Upe mba’e porãite

 

Ha ñandéke avei

Voi porã ñapu’ã

Ha guyramimi oikoháicha

Tajaiko ñande avei

Vy’a ha mborayhupópe

Kyre’ỹ ha kunu’ũme

Aguyje ñame’ẽmi

Jaikovejeýre ko ára

Torýpeke ñamomaitei

Ñande rogaygua maymavépe

Aníke ñandepochy

Anietéke jaiko vai

Umívango omboharu

Ñande rekove porãite

Taipoty ha tahi’áke

Tekojoja, pytyvõ

Ha tekoayhúpe jaiko

 

ooo000ooo

Ver YOUTUBE en (https://www.youtube.com/watch?v=CWLfnoYlIwg)