Lengua Guarani

Lengua Guarani
Ára Pyahu

lunes, 30 de mayo de 2016

DAVID GALEANO OLIVERA 30-05-16 POEMARIO ENTRE EL CORAZÓN Y EL ALMA

RENATO ELIO PRESENTÓ SU POEMARIO "ENTRE EL CORAZÓN Y EL ALMA"

RENATO ELIO PRESENTÓ SU POEMARIO “ENTRE EL CORAZÓN Y EL ALMA"
       El lunes 30 de mayo de 2016, a las 10 horas, el poeta RENATO ELIO seudónimo de GUSTAVO RENÉ MORENO SCHRIBERTSCHNIK presentó su poemario ENTRE EL CORAZÓN Y EL ALMA. El acto se realizó en el Teatro Municipal de la Ciudad de Fernando de la Mora, ubicado en Capitán Montiel entre Ruta Mcal. José Félix Estigarribia y Julia Miranda Cueto y la presentación estuvo a cargo de David Galeano Olivera, Director General del ATENEO DE LENGUA Y CULTURA GUARANI.

       Upe aty omoñepyrûkuri Renato Elio, ha'éngo ome'êkuri imaitei ha ijaguyje opavavetépe oî rehe hendive upe árape. Upéikatu Mbo'ehára David Galeano Olivera ohesa'ŷijókuri upe aranduka ha, ipahápe, Renato Elio omoñe'êkuri peteî ñe'êpoty ojapova'ekue hembirekópe ĝuarâ. Upe atýpe oîkuri heta angirû oñembojava'ekue omomaitei haĝua Renato Elio-pe, umíva apytépe oîkuri heta ikakuaa iñirûngue Santísima Trinidad-ygua. Avei oîkuri hembireko Marlene ha mokôive iñemoñare: Benjamín ha Camila. Opavavénte ohecharamo ha omomba'eguasu Renato Elio ñe'êpotymimi.
       Cabe señalar que el Poemario “Entre el corazón y el alma” contiene numerosas poesías y, al final, unas reflexiones en prosa. La obra se centra en la vida, el amor (amores y desamores). El poemario desarrolla 21 títulos, incluido “Mborayhu mba'asy”, que es un poema en Guarani. Gustavo René Moreno Schribertschnik, nacido el 21 de mayo de 1984, es Licenciado en Enfermería, egresado del Instituto Dr. Andrés Barbero de la Universidad Nacional de Asunción, y se desempeña exclusivamente en el área de Neonatología y Unidad de Cuidados Intensivos del IPS. Quienes deseen adquirir el poemario u obtener más información al respecto, pueden contactar con el autor en su Facebook (https://www.facebook.com/krankenflieger?fref=ts).
       ATENEO DE LENGUA Y CULTURA GUARANI rérape rome'ê ore vy'apavê ha ore jehechakuaa Renato Elio-pe ohaíre pe ñe'êpotyryru porâite omboguapyhaguépe hemiandu tekove ha mborayhu rehegua.
       Maitei horyvéva opavavépe.
David Galeano Olivera,
ATENEO Motenondehára Guasu.
  

 Renato Elio

David Galeano Olivera ha Renato Elio

ooo000ooo
Ver PRESENTACIÓN DE “ENTRE EL CORAZÓN Y EL ALMA”, en (https://www.youtube.com/watch?v=5dfduDd5Xhw&feature=em-upload_o...)

domingo, 29 de mayo de 2016

MBA'ÉPA OJEHU KURUGUATÝPE

MBA'ÉPA OJEHU KURUGUATÝPE
Ohai: David Galeano Olivera
I
Kuruguatýpengo oî
Peteî tekohami
Hérava Marina-kue
Oikohápe tapicha
Ha'éva sy, túva
Ha ñemoñaremi
Opavavete chokokue
Heko marangatúva
Hory ha ipyapýva
Akóinte omba'apóva
Oikuaa'ŷre kane'ô.
Upéingo iñapysê
Apañuâi tuichaitéva
Karai poguasuetéva
Ijyvymíre oñemomba'e,
Pokarê ha mbaretépe.
Peteî ára iko'ê
Omosêse chupekuéra.
Chokokue huguy raku
Ha ohenduka iñe'ê
Kóvango ore yvy,
Ore ko'apegua,
Ore ko'ápe ĝuarâ,
Ndaiporichéne oremosêva”
  

II
Karai poguasuete
Ipochy ha oporoja'o,
Ohenói mburuvichápe
Ha hatâ osapukái
Pemosêke chupekuéra
Ko'áĝa pya'e porâ”
Jahecháko itaryrýiva
Pya'etéko oñemomýi
Sapy'aitépe oĝuahê
KuruguatyMarina-kuépe,
Omoañetévo ñemosê.
Chokokue oñemohatâ
Nosêmo'âi hekohágui.
Upémarô tahachi
Oikepaite ojoapykuéri
Chokokue rekohamíme
Ha sapy'aitérô ĝuarâ
Opu'âma oñoakâre
Jepémo oñopehêngue
Oñepyrû jejuka
Ha péicha omoañete
Yvy jára pokarê
Jerure hekoky'áva.
III
Peteî tesapirîme
Oîmakatu omanóva.
Mboka operepepe
Ha hatatî inevuetéva
Pya'e porâ oñuvâ
Upe ñu ha ijere
Ápe ha pépe oî
Oñani ha osapukáiva
Upépe ojehe'apa
Mitâmimi, kakuaa
Iĝuaiĝui ha itujáva
Kuña ha kuimba'éva
Chokokue ha tahachi.
Aremíma ndoikovéiva
Peichagua jejuka
Tetâygua oñopehêngue
Ñandyry ojoapytépe.
Upe ka'arupytû
Tasê ha tesay
Oñuvâ tapŷmimi.
Ao hû, hyakuâmanóva,
Oñemomba'e Marina-kuére.
Ñembo'e te'ômimíre
Hyapu ha oñehendu
Ñane retâ tuichakue,
Jahechápa omanóva,
Chokokue ha tahachi,
Py'aguapy ohupyty
Ha Tupâ jehechakuaa
  
Foto: Zoom ÚltimaHora.com
IV
Ajépango ivai
Kuruguatýpe ojehúva.
Heta árama ohasa
Ha ne'îrâ gueteri
Py'aguapy ohupyty
Tapicha Marina-guápe.
Péina ko'áĝa peve
Ka'irâime oî
Chokokue upepegua
Hi'arikuéra ho'a
Karai poguasu paje
Oipotaháicha oipurúva
Hembiguái mburuvichápe
Ha ojapo ojaposéva
aipo tekojojágui
Ha péicha mbaretépe
Oñembohory chokokuére
Ha opaite ñanderehe.
Japaymína tapicha.
Ha jajokávo itasâ
Ñamondo añaretâme
Âichagua tajasu,
Ha ára pyahu oĝuahêvo
Ñamosâso chokokue
Aretéma oiko'asýva
Tohojey hekohápe
Tojojuhu vy'apópe
Opavave ipehênguéndi
Ha upéi jekupytýpe
Ñamopu'â oñondive
Pe tetâ iporâitéva
Opavave jaipotáva.
Upépe tahokypu,
Taipoty ha tahi'a,
Tesâi ha mborayhu
Joaju ha tekosâso
Py'aguapy ha vy'a
Arandu ha tekojoja
Ha tajaiko pehênguéicha
Ára pahaite peve
ooo000ooo
 
Kurugua

Ver DESMONTANDO KURUGUATY, en (https://www.youtube.com/watch?v=mQOMR5SxS50)
Ver MBA'E OJEHÚKURI KURUGUATÝPE – FACEBOOK, en (https://www.facebook.com/notes/david-galeano-olivera/mbae-ojeh%C3%B...)
Ver QUÉ PASÓ EN KURUGUATY, en (http://quepasoencuruguaty.org/)
Ver QUÉ PASÓ EN KURUGUATY – FACEBOOK, en (https://www.facebook.com/quepasoen.curuguaty?fref=ts)
Ver LLAMADO A LA CORDURA, en (https://www.youtube.com/watch?v=KwNk8a9hPBw)