ÑAMBOPYAHU PARAGUAY

ÑAMBOPYAHU PARAGUAY

Ohai: David Galeano Olivera

Leer original (hacer clic) en (http://lenguaguarani.blogspot.com/2017/03/nambopyahu-paraguay.html)

Leer también en (https://dgaleanolivera.wordpress.com/2017/03/14/nambopyahu-paraguay/)

I

Oĝuahêma ára

Che retâyguakuéra

Ñañomoîmbávo

Peteî ñe'ême

Ha ñambopyahu

Ñane retâmi

Mba'apo jojápe

Oñondivepa

Jahupi yvate

Ha ko'ê ko'êre

Taimbareteve

Ha amo yvate

Yvága ru'âme

Tojajái asy

Paraguay pyahu.

II

Oñondivepa

Ñamongusugue

Monda, pokarê

Ha opaichagua

Teko tujueta

Ha hekoviakuéra

Tañamopu'â

Paraguay pyahu

Okakuaahápe

Mborayhu añete,

Teko hesakâva,

Overa omimbíva

Ha henyhêtéva

Tekove potîgui.

III

Néike, néike

Che retâyguami

Jajepytasóke

Ikatuhaĝuáicha

Ñamotenonde

Paraguay porâ,

Paraguay rory,

Paraguay hesâi

Ha iñarandúva,

Paraguay pyahu

Mayma jaipotáva

Ñandéve ĝuarâ

Ojaitypohápe

Tekoporâve

Tekojojaite

Ha opaite mba'e

Iporâporâva.

IV

Ñande pópe oî,

Ikatuhaĝuáicha,

Oñondivepa

-Ko ára guive-

Jaipykúi tape

Ohenonde'áva

Ko'ê pyahuete

Iñapysêháme

Tetâ porâite,

Paraguay pyahu,

Arete guive

Mayma jahekáva

Ha otytyimeméva

Ñane korasôme:

Paraguay porâ

Ha ijukyetéva

Ndorekoivoíva

Imbojojaha.

Néike, tetâygua

Jajetyvyróke

Ha ñamoañete

Paraguay pyahu.

ooo000ooo

Leer KAMBUCHI, en (http://lenguaguarani.blogspot.com/2017/03/kambuchi.html)