ARAROGUEKÚI

ARAROGUEKÚI

Ohai: David Galeano Olivera

Leer original (hacer clic) en (http://lenguaguarani.blogspot.com/2017/03/araroguekui.html)

Leer también en (https://dgaleanolivera.wordpress.com/2017/03/14/araroguekui/)

I

Okúi, okukúi

Yvyra rogue.

Mbeguekatumíme

Ára iñambue 

Ho'ysãvymive ha

Ijarai.

Ára mbykyve

Ára hovasy

Ára ikane'õ

Péicha oike ohóvo

Araroguekúi.

II

Ára iko'êvo

Ka'ay iróva

Ohenonde'a

Kuarahy resê

Ogaygua opáy 

Ha pya'e oja

Tatami oīháme 

Oñemboaturu

Ha ipo oipyso

Tata aku ári.

Rambosa rire 

Kakuaáva oho

Imba'apohápe

Ha asaje rire

Hógape ojevývo

Oguapy okaru

Tembi'u akumíva.

Péicha ohasa

Ára apatî

Ha iñipytûvo

Tapicha maymáva

Ógape ijaty.

Tatami jerére

Oiko jejuhu

Ka'ay he'ê

Ha mbeju akumi

Ou ha oho

Ha omohyğuatã 

Maymáva py'a.

Mitãita ohendu

Káso mombe'u

Ha jeroviaita 

Omoañetéva

Paraguay reko

III

Péicha oike ohóvo Araroguekúi.

Okápe hayvi

Ha ho'ysãvy

Ha óga ryepýpe

Haku vevúimi.

Ára mbykyve

Ára hovasy

Ára ikane'õ

Araroguekúi

Oñemomba'e

Ñande rekoháre.

ooo000ooo

Leer OTOÑO – ARAROGUEKÚI, en (http://lenguaguarani.blogspot.com/2015/03/21-de-marzo-otono-araroguekui.html)

Leer ÑAMBOPYAHU PARAGUAY, en (http://lenguaguarani.blogspot.com/2017/03/nambopyahu-paraguay.html)