JASY RENYHÊ

JASY RENYHÊ

Ohai: David Galeano Olivera

Leer original (hacer clic) en (https://lenguaguarani.blogspot.com/2026/02/jasy-renyhe.html)

I

Jasy, jasymi

Jasy renyhê

Jasy porâite

Vy’a reruha

Hasýpe reju

Nendive egueru

Marandu porâ

Ombopiro’ýva

Ko che rekove

Ha omboguetéva

Ku techaga’u

Ha tyre’ỹmi

Che âme

Añandúva

II

Yma chemitâme

Che jarýi he’imi

Umi omanóva

Yvate ohoha

Oiko chuguikuéra

Mbyja pyahumi

Ha upe oîhágui

Marandu ombou

Jasy renyhê

Jasy porâite

Pukavy rupi,

Upéicha ojehúrô

Mba’e porâmi

Katuete ojehúta

III

Kuehe pyhare

Ake mboyvemi

Asê roheka

Jahechápa eime.

Amaña yvate

Ha ndorojuhúi.

Mamópa reime.

Upe arange

Oñenongatu

Che ñe’âkuaitépe

Ára peichaguápe

Che symi heñói

Ha che ru oho

IV

Ku jepiveguáicha

Kuehe asêjey

Ha ajesaupívo

Ahecha reju

Ha che ariete

Reiméma reína

Nde rova rory

Cheresapepa

Añandu vy’a

Che korasômíme

Vaicha emombe’úva

Mokôive oikoha

Sâso ha vy’ápe

Upe oîháme

V

Vaichantevoi

Kuehe pyhare

Neporâitevéva,

Ndajejokovéigui

Ne ra’ângami

Asê anohê

Ha añongatu

Mandu’arâmi.

Ha aike mboyve

Ko che rogamíme

Ndéve ajerure

Emog̃uahêmína

Mokoive mbyjápe

Che maiteimi