12 DE JUNIO: DÍA DE LA PAZ DEL CHACO

12 DE JUNIO: DÍA DE LA PAZ DEL CHACO - CHÁKO PY'AGUAPY ÁRA

Ohai: David Galeano Olivera

 Leer original (hacer clic) en (https://lenguaguarani.blogspot.com/2017/03/12-de-junio-dia-de-la-paz-del-chaco.html)

     Ko ára, 12 jasypoteî (12 de junio) jaromandu'a peteî mba'e guasuete ha'éva Cháko Py'aguapy Ára (Día de la Paz del Chaco), Paraguay ha Bolivia-ygua oĝuahêrôguare peteî ñe’ême anive haĝua araka’eve oñorâirô hikuái.

Pe kuatia py’aguapy rehegua oñemboajékuri Buenos Aires, Argentina-pe, 12 jasypoteî 1935-pe, asaje riremi. Oîkuri upépe Agustín P. Justo, Argentina Retâ Ruvicha; ha hendive oîkuri karai Luis Riart, Paraguay rérape; karai Tomás Manuel Elio, Bolivia rérape; avei, karai José Carlos de Macedo Soares, Brasil rérape; ha Carlos Saavedra Lamas, Argentina rérape, Upéicha avei oîkuri upépe ambue tapicha oipytyvôva’ekue ojehupyty haĝua py’aguapy.

Jaikuaaháicha mbohapy ary pukukue aja oñorâirôkuri hikuái oipotágui imba’erâ Cháko yvy. Heta ñande rapicha omano oipysyrôségui hetâ.

       Péicha ikatu ñanemandu’a umi omanova’ekue Boquerón, Nanawa, Yrendague, El Carmen, Pikúiva, Ballivián ha Toledo-pe. Ko’â tenda ha’e avei techapyrâ ñandéve ĝuarâ ñamomba’eguasu haĝua umi kuimba’e ha kuña katupyrýpe, ohova’ekue oñorâirô Chákope, oipotágui ko ñane retâ isâso ha ijehegui taitenondeve.

        Opárôguare ñorâirô, José Félix Estigarribia (Paraguay) ha Enrique Peñaranda (Bolivia) ojopopyhýkuri ohechukávo ojupe py'aguapyreko.

CHE RU CHAKORE

Ohai: David Galeano Olivera

 

I

Che ru Chakore
péina aju ko ára
romomaitei ha romomorã
ahecharamo nde rapykuere
Leõ Guarani
nderehe ae ko ñane retã
omimbi, ojajai
ko yvága guýpe

ha oho tenonde

vy’apavẽ piári

ára opa peve.

Mbohapy ary

reiko ñorãirõme

rehasa asy,

tuguy reñohẽ

nereñakãitýi,

nereñeme’ẽi,

Ku mymba ñarõicha

reñeñanduka

ha rehechauka

kóva ha’eha

nde ru ha nde sy

yvy teete.

Che ru Chakore
péina aju ko ára
romomaitei ha romomorã.

 

II

Ko'ẽ ko'ẽvére
rejetyvyro ko’ápe ha pépe

Tetã rayhupápe

aniete haġua

ko ñande yvy

porãite asy,

ho’a, omano,

ha ikusuguepa

umi moñái pópe,

ha hendive, ñande

-Tyre’ỹ poguýpe-

japa, jaje’o

ko yvága guýgui.

Aguyje ame’ẽta

amano meve

Rojas Silva, Franco,

Caballero Irala,

ha Estigarribia,

Jakare Valija

ha Emiliano R-pe

pyti’a omoĩre

omo’ã haġua

ñane retãmi.

Reku’e upérõ,

che ru Chakore,

tetã rayhupápe

remuña, reity

ko ñande yvýgui

umi pytaguápe

ha remopotĩ ha

remomimbi

guarani ruguy.

Ko'ẽ ko'ẽvére
rejetyvyro ko’ápe ha pépe

Tetã rayhupápe.

 III

Che ru Chakore

yvy rupi reiko
ha ndereikuaái

y’uhéi, Kane'õ,

mbyry'ái, ro'y

ne akãme oĩgui

peteĩ mba'énte:

Mborayhu añete

ha ijojaha'ỹva
ko ñane retãre.

Nde ruguy opyta

Chako guasuetepe

Boquerón, Corrales,

Toledo, Nanawa,

Campo Vía, Ingavi

ha ambue tenda rupi

ohechauka haġua

ko yvorayguápe

kóva ha'eha Paraguay yvy

che ru Chakore

yvy rupi reiko
ha ndereikuaái

y’uhei, Kane'õ,

mbyry'ái, ro'y.

 

IV

Ara guasuetépe

ko ne renondépe

péina añembo'y

ha ndéve añakãitývo

mokõive che pópe

tesay pa’ũme ajepopete

ahechakuaávo

mba'e guasuete

rejapova'ekue

reipotágui akóinte

ko ñane retã

hekove sãso
ha ñande, maymáva,

tajaikojoa

mborayhu, vy'a

ha tekokatúpe.

ahecharamógui nde reko pyapy

ara guasuetépe

ko ne renondépe

péina añembo'y

ha ndéve añakãitývo

mokõive che pópe

tesay pa’ũme ajepopete.

 (Ahechakuaávo Lino Galeano-pe, che ramói, Cháko-pe oñorairõva’ekue – En memoria de mi abuelo, Lino Galeano, ex combatiente de la Guerra del Chaco)

ooo000ooo

PEHECHÁVAPA

Ohai: Darío Gómez Serrato

 I

Pehechávapa tape sâmbuku

Hetyma yvyráva guata jekutu,

Pehechávapa ijyva yvytúre

Hyrukuereíva heko jepoyru

II

Pehechávapa hete perepáva

Oñyñýi jehýiva heko pehêngue,

Pijoha iñarôva hi’ári ohasáva

Ombotyaíva ñande rekove

III

Umívako hína hetâ rayhupápe

Ñorâirô guasúpe imboja’opy,

Oimegueteríva ku Cháko ruguápe

Opytahague hypy’a huguy

IV

Ko’áĝa ĝuarârô michî michîetépe

Hesekuéra oîta tembe jeguaru

Ñamoîrângue yvoty apytépe

Oguapy haĝuáme hete pytu'u

ooo000ooo

RESERVISTA PURAHÉI

Ohai: Félix Fernández

Ombopurahéi: Agustin Barboza

I

Tekove vai ndajeko hosâva
ha upére ha'e anga namanói
Chakore he'i che irûngue ohasáva
ndéje haimete ndachera'ârôi.

II

Karia'y ñaña nemomorâséva
je oĝuahê nde rópe ka'arupytû
ndéje haimete remombo che réra
ha remondoho ñane mborayhu.

III

Nanemandu'áipara'e upépe
ku pyharevépe santomi rovái
Eréramo chéve nde páy ha nde képe
nde rekoviarâ ndajuhuva’erâi.

IV

Ha upe ne ñe'ê ahypÿi ysapýpe
ha che korasôme aipyhy añotỹ
araha che pýri ñu ha ka'aguýre
ha áĝa ajerévo ajuhu ipoty.

V

Kóina rojuhu jepivérôguáicha
rasa nde rory ha akói cherayhu
ha ere aipo jaguápe nde reikuaaháicha
oumaha ijára anive oguahu.

VI

Opáma la guerra haime ndaroviái
ha ñaime jevýma ñane oñondive
ñande rogamíme santomi rovái
ñañopê ojuehe ñane mborayhu.

Rehendusérô “Reservista Purahéi” (opurahéiva Luis Alberto del Parana) ,ehesakutu ko’ápe (http://www.youtube.com/watch?v=Tp_K9M-N5ZQ&feature=related)

ooo000ooo

Leer EL IDIOMA GUARANI COMO ARMA DE GUERRA, en (http://lenguaguarani.blogspot.com/2020/06/el-idioma-guarani-como-arma-de-guerra.html)

Leer 12 DE JUNIO: DÍA DE LA PAZ DEL CHACO, GUARANÍME, en (https://lenguaguarani.blogspot.com/2011/06/12-de-junio-dia-de-la-paz-del-chaco.html)

Leer 12 DE JUNIO - CHE RU CHAKORE, en (https://lenguaguarani.blogspot.com/2014/06/12-de-junio-che-ru-chakore.html)

Leer GENERAL MIGUEL ANGEL YEGROS GIROLA: HÉROE DE LA GUERRA DEL CHACO Y GUARANIÓLOGO, en (https://lenguaguarani.blogspot.com/2014/06/general-miguel-angel-yegros-girola.html)

Leer EL ÚLTIMO HÉROE DEL CHACO SIGUE CUIDANDO SU CUARTEL DE LA VICTORIA, en (https://lenguaguarani.blogspot.com/2015/06/el-ultimo-heroe-del-chaco-sigue.html)

Leer PASTORA CÉSPEDES, en (https://lenguaguarani.blogspot.com/2019/06/pastora-concepcion-cespedes-guaranime.html)

Ver FRANCISCO RUSSO – 13 TUJUTÎ, en (https://www.youtube.com/watch?v=jifxuLbEu7k)