Lengua Guarani

Lengua Guarani
Ára Pyahu

sábado, 25 de marzo de 2017

26 DE MARZO: DÍA DEL CLIMA - ARAPYTU ÁRA

ARAPYTU – CLIMA
Ohai: David Galeano Olivera
Ára ipytu
Ha ipytusê
(Opavave ja'éva
Pytuhê)...
Ijehegui, tekotevê jave,
Haku, ho'ysâ, ipiro'y térâ hakuvy
Hese ae
Jaiko ha jaikove
Ha ñanepytuhê avei.
Ara ipytuhê aja
Ñande avei
Ñanepytuhêta
Ha péva ndojehuvéivo
Ñamanombaitéta.
Yma ha
Ndahi'aréi peve
Arapytu hesâiva'ekue,
Ko'áĝa katu,
Ñande, yvypóra,
Ñamongy'a
Jahávo
Pe Arapytu,
Ha upe mba'e ojehu
Ñamyenyhêre
Mba'e ky'águi
Ñande rekoha.
Jajahéi,
Jaity,
Ñamombo,
Jaharu,
Jajuka,
Ñambogue
Ñande Ru
Remimoîmby
Ha péicha
Ñamomarâ
Arapytu.
Ñambotyai ysyry
Jaitypa ka'aguykuéra
Jajukapa mymbamimi
Opa umi mba'e
Omoambue pe
Arapytu reko
Ha ára ha ára
Ñambohasykatu jahávo
Ñande rekove
Ha ñande rekoha.
Néina, néike,
Che rapichakuéra
Jajesape'ána
Ha ñamongy'arângue
Ñamopotîjey
Ñande rekoha.
Péicha jajapórô,
Ñande rekove
Hesâijeýta,
Ipukuvéta
Ha jaikopáta
Vy'apavême.





No hay comentarios: