TEMBIGUÁI – ESCLAVO

2 DE DICIEMBRE: DÍA DE LA ABOLICIÓN DE LA ESCLAVITUD

2 JASYPAKÔI: TEMBIGUAIREKO ÑEMBOGUE ÁRA

 

TEMBIGUÁI – ESCLAVO

Ohai: David Galeano Olivera

Leer original (hacer clic) en (https://lenguaguarani.blogspot.com/2025/12/tembiguai-esclavo.html)

                                                     I

Ymaite guive

Ko’ág̃a peve

Oî tapicha

Oiko asyetéva

Poguasu poguýpe

Umívango hína

Tembiguaimimi

Ndoikuaaivoíva

Tekove sâso.

Akóinte oikóva

Ñemotî guasu,

Ñenupâ py’ỹi,

Ha ojeja’ohápe,

Ojepokuapa

Ha oñemokûsâ.

Tapicha ñaña,

Tapicha ky’a,

Tapicha marâ

Omomba’apo

Pyhare ha ára

Ojuka peve.

II

Hi’âite opa

Tembiguaireko

Yvy ápe ári,

Jejaheirângue

Taipotyjera

Ára pyahumi

Ikatutahápe

Ñamombarete

Tekove sâso.

Topa, topaite

Tembiguaireko

Hekovia akói

Tojajái asy

Ku tekojoja

Ha upeichahápe

Jaikopa hag̃ua

Joayhu, torýpe,

Tove tokukúi

Ñande apytépe

Pe mborayhumi

Ñande rekove

Omyenyhêmbáva

Teko piro’y

Ha vy’apavêgui