Lengua Guarani

Lengua Guarani
Ára Pyahu

jueves, 12 de junio de 2014

12 DE JUNIO - CHE RU CHAKORE

CHE RU CHAKORE
 
I
Che ru Chakore
Péina aju ko ára
Romomaitei ha romomorâ
Ahecharamo nde rapykuere
Leô Guarani
Nderehe ae ko ñane retâ
Omimbi, ojajai
Ko yvága guýpe
Ha oho tenonde
Vy’apavê piári
Ára opa peve.
Mbohapy ary
Reiko ñorâirôme
Rehasa asy,
Tuguy reñohê
Nereñakâitýi,
Nereñeme’êi,
Ku mymba ñarôicha
Reñeñanduka
Ha rehechauka
Kóva ha’eha
Nde ru ha nde sy
Yvy teete.
Che ru Chakore
Péina aju ko ára
Romomaitei ha romomorâ



II
Ko'ê ko'êvére
Rejetyvyro ko’ápe ha pépe
Tetâ rayhupápe
Aniete haĝua
Ko ñande yvy
Porâite asy,
Ho’a, omano,
Ha ikusuguepa
Umi moñái pópe,
Ha hendive, ñande
-Tyre’ŷ poguýpe-
Japa, jaje’o
Ko yvága guýgui.
Aguyje ame’êta
Amano meve
Rojas Silva, Franco,
Caballero Irala,
Ha Estigarribia,
Jakare Valija
Ha Emiliano R-pe
Pyti’a omoîre
Omo’â haĝua
Ñane retâmi.
Reku’e upérô,
Che ru Chakore,
Tetâ rayhupápe
Remuña, reity
Ko ñande yvýgui
Umi pytaguápe
Ha remopotî ha
Remomimbi
Guarani ruguy.
Ko'ê ko'êvére
Rejetyvyro ko’ápe ha pépe
Tetâ rayhupápe
   

III
Che ru Chakore
Yvy rupi reiko
Ha ndereikuaái
Y’uhéi, Kane'ô,
Mbyry'ái, ro'y
Ne akâme oîgui
Peteî mba'énte:
Mborayhu añete
Ha ijojaha'ŷva
Ko ñane retâre.
Nde ruguy opyta
Chako guasuetepe
Boquerón, Corrales,
Toledo, Nanawa,
Campo Vía, Ingavi
Ha ambue tenda rupi
Ohechauka haĝua
Ko yvorayguápe
Kóva ha'eha Paraguay yvy
Che ru Chakore
Yvy rupi reiko
Ha ndereikuaái
Y’uhei, Kane'ô,
Mbyry'ái, ro'y
 
Lino Galeano

IV
Ara guasuetépe
Ko ne renondépe
Péina añembo'y
Ha ndéve añakâitývo
Mokôive che pópe
Tesay pa’ûme ajepopete
Ahechakuaávo
Mba'e guasuete
Rejapova'ekue
Reipotágui akóinte
Ko ñane retâ
Hekove sâso
Ha ñande, maymáva,
Tajaikojoa
Mborayhu, vy'a
Ha tekokatúpe.
Ahecharamógui nde reko pyapy
Ara guasuetépe
Ko ne renondépe
Péina añembo'y
Ha ndéve añakâitývo
Mokôive che pópe
Tesay pa’ûme ajepopete


(Ahechakuaávo Lino Galeano-pe, che ramói, Cháko-pe oñorairôva’ekue –
En memoria de mi abuelo, Lino Galeano, ex combatiente de la Guerra del Chaco)

ooo000ooo





1 comentario:

Unknown dijo...

David. Iporaiterei angiru ñane mandu'a ha jaguerohory karaikuérape pe tetá rayhupápe mbohapy ary pukukue ojepytaso ha oipysyro ñaneretáme.!!! Pedro