Lengua Guarani

Lengua Guarani
Ára Pyahu

lunes, 11 de julio de 2016

KURUGUATY - NDAIPÓRI TEKOJOJA

KURUGUATY - NDAIPÓRI TEKOJOJA
Ohai: David Galeano Olivera
I
Kuruguatýpe...
Ndaipóri tekojoja
Ñane retâme...
Ndaipóri tekojoja
Tekojoja ndahekojojái
Tekojoja noporombojojái.
Tekojoja'ŷ ñanemotî
Tekojoja'ŷ ñandekutu
Tekojoja'ŷ oñembohory ñanderehe
Tekojoja'ŷ ha hembiguái
Opukasorovai ñanderehe
Tekojoja'ŷ ñandeapo'i
Ndaipóri tekojoja
Ndaiporivoínte
 

II
Ko ára 11-07-16-pe
Tekojoja oñemopore'ŷ,
Tekojoja omano,
Tekojoja oñeñotŷ,
Tekojoja ikusugue,
Tekojoja ogue,
Vaicháku opáva.
Amo hapópe,
Ndaiporivoínte tekojoja.
Ñambyasy mba'e vaiete
Oikóva Kuruguatyguáre,
Ñane retâyguáre...
Ha ñanderehe.
Tekojoja'ŷ oñepyendáva
Ha oñemombaretéva upépe
Ivai, iky'a, ityai
Ñanderypýi opavavépe

III
Ñambyasy jejahéi oikóva
Hi'âitéma ohasa ára vai
Hi'âitéma opa jejahéi
Hi'âitéma opa ñemboyke
Hi'âitéma opa pyhare iñipytûetéva
Nga'ura'e tekojoja oikovekey
Iñapysê, oñemombarete
Ha oñuvâjey ñane retâme
Tomimbi, tovera,
Tojajái oparupiete ha
Maymaitépe ĝuarâ
Ha tañanemyenyhê
Vy'apavê ha py'aguapýgui
Upe aja, ñambyasy
Ndaiporiha tekojoja
Kuruguaty ha ñane retâme

ooo000ooo






No hay comentarios: