KURUGUATY - NDAIPÓRI TEKOJOJA

KURUGUATY - NDAIPÓRI TEKOJOJA

Ohai: David Galeano Olivera

Leer original (hacer clic) en (http://lenguaguarani.blogspot.com/2016/07/kuruguaty-ndaipori-tekojoja.html)

I

Kuruguatýpe...

Ndaipóri tekojoja

Ñane retâme...

Ndaipóri tekojoja

Tekojoja ndahekojojái

Tekojoja noporombojojái.

Tekojoja'ŷ ñanemotî

Tekojoja'ŷ ñandekutu

Tekojoja'ŷ oñembohory ñanderehe

Tekojoja'ŷ ha hembiguái

Opukasorovai ñanderehe

Tekojoja'ŷ ñandeapo'i

Ndaipóri tekojoja

Ndaiporivoínte

 

II

Ko ára 11-07-16-pe

Tekojoja oñemopore'ŷ,

Tekojoja omano,

Tekojoja oñeñotŷ,

Tekojoja ikusugue,

Tekojoja ogue,

Vaicháku opáva.

Amo hapópe,

Ndaiporivoínte tekojoja.

Ñambyasy mba'e vaiete

Oikóva Kuruguatyguáre,

Ñane retâyguáre...

Ha ñanderehe.

Tekojoja'ŷ oñepyendáva

Ha oñemombaretéva upépe

Ivai, iky'a, ityai

Ñanderypýi opavavépe

III

Ñambyasy jejahéi oikóva

Hi'âitéma ohasa ára vai

Hi'âitéma opa jejahéi

Hi'âitéma opa ñemboyke

Hi'âitéma opa pyhare iñipytûetéva

Nga'ura'e tekojoja oikovekey

Iñapysê, oñemombarete

Ha oñuvâjey ñane retâme

Tomimbi, tovera,

Tojajái oparupiete ha

Maymaitépe ĝuarâ

Ha tañanemyenyhê

Vy'apavê ha py'aguapýgui

Upe aja, ñambyasy

Ndaiporiha tekojoja

Kuruguaty ha ñane retâme

ooo000ooo

Leer MBA'ÉPA OJEHU KURUGUATÝPE, en (http://lenguaguarani.blogspot.com/2016/05/mbaepa-ojehu-kuruguatype.html)

Leer MBA'ÉPA OJEHU KURUGUATÝPE – PLACA, en (http://lenguaguarani.blogspot.com/2016/07/mbaepa-ojehu-kuruguatype-que-paso-en.html)

‪#‎Curuguaty‬
‪#‎Kuruguaty‬
‪#SentenciaCuruguaty‬
#AbsoluciónYa
‪#‎QuepasoenCuruguaty‬
‪#‎CasoCuruguaty‬
‪#‎Marinakue‬