MBYJA PYAHUMI

MBYJA PYAHUMI

Ohai: David Galeano Olivera

Leer original (hacer clic) en (http://lenguaguarani.blogspot.com/2017/02/mbyja-pyahumi.html)

Leer también en (https://dgaleanolivera.wordpress.com/2017/02/28/mbyja-pyahumi/)

I

Peteī asaje

Nde resa emboty

Ha rejehekýi.

Ne ã morotî

Isãso añete

Ha py'aguapýpe

Oveve yvate.

Resê nde retégui

Reho, rehoite

Oiko ndehegui

Mbyja pyahumi

Upe apyra'ŷme,

Yvy mara'ŷme,

Ñande Ru retâme.

II

Ne ã hesakã,

Ne â overa,

Ne â omimbi,

Ojajái asy

Ha yvate ojupívo

Iku'i okukúi

Ha mbeguekatu

Oguejy, oike

Ha ojehaitypo

Ore korasôme

Reikove haĝua

Jepiverôguáicha

Ore rekovépe.

III

Ne â ku'ikue

Opytáta upépe

Mborayhu pa'ûme,

Ára opa peve.

Ha upe oîhágui

Ohesapemíta

Ore raperâ

Ha oresâmbyhýta

Jehasa vai ha

Jehasa porâme.

IV

Ñañánte omanóva.

Teko ndeichagua

Imarangatúva

Overa, omimbíva

Nomanoivoi.

Reikórôguare

Rejapopaitéma

Nde raperâmi.

Mandu'a porâ

Nde rekovemígui

Oréve opytáma

Tapiaite ĝuarâ.

V

Maitei rory

Ndéve amoĝuahê

Ha ndéve ha'e

Opaite mba'e

Hekokatuha.

Rejapopaite

Rejapova'erâ

Ha py'apy'ŷre

Regue ore apytégui

Ha reho repáy

Mbyjaita apytépe

Tenda porâite

Ha ijojaha'ŷva

Oñembyatyhápe

Imarangatúva,

Ñande Ru pehê...

(Chemandu'ávo che symíre: Delia Olivera, ojehekyiva'ekue 29-12-16)

ooo000ooo

Ver MBYJA PYAHUMI, en (https://www.youtube.com/watch?v=nafC7iZGvgs)

Leer CHE SYMI MARANGATU, en (http://lenguaguarani.blogspot.com/2014/05/che-symi-marangatu.html)

Leer DELIA OLIVERA, en (http://lenguaguarani.blogspot.com/2017/01/delia-olivera-vda.html)

Leer TARUMA, en (http://lenguaguarani.blogspot.com/2015/02/taruma-la-leyenda.html)

  

Leer TEREHO CHOPOMBE, en (https://lenguaguarani.blogspot.com/2016/12/tereho-chopombe.html)