Lengua Guarani

Lengua Guarani
Ára Pyahu

jueves, 12 de octubre de 2017

12 DE OCTUBRE

12 DE OCTUBRE
Ohai: David Galeano Olivera
I
12 de octubre
Niko oñepyrû
Pyhare puku
Pyhare vai
Pyhare ñaña
Pyhare pohýi
Pyhare hasýva
Pyhare opa'ŷva
Hendive oguerúva
Sarambi guasu
Ijapyra'ŷva,
Oikutu, ombovóva
Ojoka, omopêva
Ojuvy, ojukáva
Ypykue reko
Avei ogueru
Tekove mboyke
Tekove asy
Tekove marâ
Tekove mano
Tekove mbogue
Hyakuâ te'ô
Hyakuâ monda
Hyakuâ tie'ŷ
Hyakuâ ky'a
Ñanetîko'ô
Ñanembohasy
Ñande'apo'i
Ñanemomeĝua
Ne'îrâ opa
Pyhare puku
Pyhare vai
Pyhare ñaña
Pyhare pohýi
Pyhare hasýva
Ñande'aho'íva
Ha omopore'ŷva
Ñande ypykuépe.


II
12 de octubre
Ko'aĝa peve
Pyhare meme
Mba'e ndevaíva
Ypykue ĝuarâ
Upépe heñói
Teko asyeta:
Jejahéi, ñemosê,
Monda guasuete,
Tuguyeta syry,
Tasê, jahe'o,
Pokua ha pykua,
Ñeñapytî tu'u,
Jejuka guasu,
Tyre'ŷ opa'ŷva
Ha teko mbogue
Ajépa ivai,
Ajépa hasy,
Ajépa iky'a
Pyhare puku
Ypykue ohundíva.

III
Ypykue reko
Nahesakâvéi
Ndaikuarahyvéi
Ha ndahoryvéi
Pyhare puku
Iñipytûetéva
Oñuvâmbaite
Ypykue maymápe.
Kuarahy nosêi,
Ko'ê imombyry.
Ndahyapuvéi
Mbaraka, takua.
Kaguy haguyno,
Opa ñembo'e,
Opa jeroky,
Opy ikirirî...
Tupâ, Tupâ,
Ñande Ru,
Mamóiko reime
Mba'éreiko péicha
Pytagua eheja
Oñembohory
Ne ñemoñarére.
Tupâ, Tupâ,
Ñande Ru
Mamóiko reime
Térâpa pytagua
Nderehe avei
Oñemomba'e ha
Ndereja ipoguýpe...

ooo000ooo


Leer EL 12 DE OCTUBRE Y LA CULTURA COLONIALISTA, en (http://lenguaguarani.blogspot.com/2017/10/el-12-de-octubre-y-la-cultura.html)




No hay comentarios: