EPYTA NDE RÓGAPE, PARAGUAY

EPYTA NDE RÓGAPE, PARAGUAY

Ohai: David Galeano Olivera

Leer original (hacer clic) en (https://lenguaguarani.blogspot.com/2020/03/epyta-nde-rogape-paraguay.html)

Leer también en (https://dgaleanolivera.wordpress.com/2020/03/14/epyta-nde-rogape-paraguay/)

I

Néike Paraguay,

Jaku'éke oñondive

Ñañangarekóke ojuehe

Ñamopotîke ñande po

Ñande rete, ñande róga

Ha ñane retâ porâite.

Ikatúrô avei

Japytánte ñande rógape

Upépe ñaime aja

Ndojehumo'âi mba'eve

Ñandéve ha avavépe.

Upeichaite jajapórô

Koronavíru vai

Ñahundi ha ñamboguéta

Ha maymave jahecháta

Ko'ê pyahu oañuâva

Ñande yvy Guarani

Iporâite, ndaijojaháiva.

II

Heta ára jahasa

Tetia'e ha vy'apópe

Yvagaguy potî asýpe

Kuarahy ñane añuâ

Ñamba'apo kyre'ỹ

Ha ñande yvy porâitégui

Hi'upyrâ ñamono'ô

Ha oñondive ñamopu'â

Ñane retâ tuichaitéva.

Upéinte, ndahi'aréi,

Yvága iñipytû

Ha oike ñane retâme

Mba'asy ivaietéva

Iky'a ha imbaretéva

Ikatúva ombohasy

Oimeraê tapichápe.

Aramimi ohasávo

Ñande rekove omoambue

Ñanemyenyhê kyhyjégui

Vaicha ñanekangypáva...

III

Vaichánte che angirû

Ñandéngo Paraguay

Aníke ñañeme'ê

Hetámango jahasa

Ivai ivaivévare

Ha umívagui ñapu'â

Mba'eve'ỹramoguáicha

Jajapóke ikatumíva

Ñande sy, ñande ru

ha ñane ñemoñare rehehápe

Ñamopotîke ñande po,

Ñande rete, ñande róga

Ha ñane retâ porâite

Tapiaite tahesâi.

Ikatúramo avei

Japytánte ñande rógape

Mba'asy vai aja.

Umívango pu'aka

Opavave jarekóva

Upeichaite jajapórô

Koronavíru vai

Ñahundi ha ñamboguéta

Ha maymave jahecháta

Ko'ê pyahu oañuâva

Ñande yvy Guarani

Iporâite, ndaijojaháiva.

ooo000ooo

Ver EPYTA NDE RÓGAPE – YOUTUBE, en (https://www.youtube.com/watch?v=sjrIvCHcw-A&t=8s)

Leer MITÂRA'Y OJERURÉVA ISÝPE, en (https://lenguaguarani.blogspot.com/2020/03/mama-cuidame-del-coronavirus-guaranime.html)

#Coronavirus

#Koronavíru

#EpytaNdeRogapeParaguay

#QuedateEnTuCasa

#FuerzaParaguay

#AníkeÑeñemee