sábado, 5 de noviembre de 2016

EME'Ê

EME'Ê
Ohai: David Galeano Olivera
I
Eme'êna che angirû
Eme'ê nde rapichápe
Virumi reguerekóva
Tahesa'i térâ heta
Enohê ne korasôgui
Ehypýi mborayhumíme
Ha chupe embohasa.
II
Eme'êrô kunu'ûme
Nde rekove omimbíta
Ne ñe'â hory'asýta
Ne angami ojajáita ha
Py'aguapy nde apyhýta
Rehendúvo tapichápe
Aguyje” he'ívo ndéve.
III
Aníke nderesarái,
Opa mba'e ñame'êva
Ojevýta katuete
Upévango ha'e
Ñande Ru rembiapoite
Ko árape ejapo hese
Ha ko'êrô nderehéta...
ooo000ooo