Lengua Guarani

Lengua Guarani
Ára Pyahu

martes, 18 de octubre de 2016

18 DE OCTUBRE: DÍA DE LA PROTECCIÓN DE LA NATURALEZA - TEKOHA ÑEÑANGAREKO ÁRA

18 DE OCTUBRE
DÍA DE LA PROTECCIÓN DE LA NATURALEZA - TEKOHA ÑEÑANGAREKO ÁRA
Ohai: David Galeano Olivera
I
Ñañangarekóke
Ñande rekoháre
Che angirûnguéra.
Upéva ha'e
Temimoîngue
Tupâ mba'etéva,
Hese'ŷ ñande
Ndaikatúi jaiko
Tekoha ha'égui
Tesâi me'êha
Ha omoingovéva
Ñande rekove.
Upépe oî
Ysyry sakâ,
Yvy ñande sy,
Yvytu potî,
Kuarahy pytu,
Upéicha avei
Ka'avo porâ,
Heta mymbami,
Ha avei ñande.
Y, yvy, yvytu,
Yrata avei
Umi irundy
Niko ypykue
Hesekuéra ae
Opaite mba'e
Heñói ha oikove
Ajépa iporâ
Tupâ rembiapo
Ndaijojahái
Ñande rekoha

II
Anive jaity
Yvyramimi,
Ani jajuka
Mymba porâita,
Anive ysyry
Ñambotyai,
Anive yvytu
Ñamongy'ave,
Péicha jajuka
Ñande rekoha,
Péicha jajuka
Ñande rekove.
Péina ajerure
Opavavetépe
Peteî ñe'ême
Ñañomoîmba
Ha ko'ê ko'êre
Ñañangareko
Mba'e porâitére:
Ñande rekoha

ooo000ooo

No hay comentarios: