26 DE ABRIL: DÍA DE LA SECRETARIA - PYTYVÔHÁRA ÁRA

26 DE ABRIL: DÍA DE LA SECRETARIA – PYTYVÔHÁRA ÁRA

Ohai: David Galeano Olivera

Leer original (hacer clic) en (http://lenguaguarani.blogspot.com/2014/04/26-de-abril-dia-de-la-secretaria.html)

Leer también en (http://dgaleanolivera.wordpress.com/26-de-abril-dia-de-la-secretari...)

Ñaĝuahêvo mba’apohápe

Hese jajuhukuaa,

Kuña ikatupyrýva

Oñangarekóva ñanderehe,

Kuña pytyvôhára niko ha’e

 

 

“Eguapýna ha eha’ârô

Aĝaitéma nderehe

Che ruvicha oñangarekóta”

Péicha, juruhe’ême,

Py’aguapy ome’ê ñandéve

Heta ikuatia,

Ipópe haiha,

“Mba’éichapa” he’i

Ipúvo pumbyry.

Ñembo’y ha guapyhápe

Hembiapo omotenonde

Py’arory ha pukavýpe

Ojapóva hembiapo.

Ára pukukue javeve

Kane’ô’ŷre omba’apo,

Kuña pytyvôhára niko ha’e

Akóinte oñemoporâ,

Iñakârague, ijao, isapatu

Omimbi, overa ha ojajaipa

Ñande resa ombohory,

Nañañandúi ñeha’ârô

Ko yvy tuichakue javeve

Chupe jajuhukuaa.

Ha’émante oikuaapa

Huvicha rembiaporâ

Kuehe, ko’áĝa ha ko’êrôgua

Ou ha oho, ápe ha pépe,

Oñandu’ŷre py’atytýi.

Pya’e ha hekopete

Oîmíva ojapopa

Oî’ŷre, heta jey,

Jehechakuaa chupe ĝuarâ

Heko marangatúva,

Hembiapópe ikatupyrýva,

Pukavýpe omba’apóva,

Maymave jepy’apýpe

Ome’êva mbohovái,

Péva niko hína kuña pytyvôhára

 

ooo000ooo

Ehecha MBA’ÉREPA PYTYVÔHÁRA ÁRA (PORQUÉ ES EL DÍA DE LA SECRETARIA), ko’ápe (http://www.abc.com.py/edicion-impresa/locales/hoy-se-conmemora-el-d...)