NDAPEHECHÁIPA UPÉRUPI ARLAN-PE

NDAPEHECHÁIPA UPÉRUPI ARLAN-PE

Ohai: David Galeano Olivera

Leer original (hacer clic) en (http://cafehistoria.ning.com/profiles/blogs/ndapehech-ipa-up-rupi-a...)

Asimismo leer en (http://dgaleanolivera.wordpress.com/ndapehechaipa-uperupi-arlan-pe/)

¡Arlan!… ¡Arlan!... ¡Arlan!...

Mamóiko reime

Ndapehecháipa upérupi

Mitârusumi ñane retâygua

Hese ipopa’âva umi añamemby

 

Arlan Fick - Foto ABC Color

 

¡Arlan!... ¡Arlan!... ¡Arlan!...

Tekove ñaña, ipy’ahatâva

Kyhyje ruvicha ha itajasurekóva

Chupe ogueraha, oguerokañy

Tyre’ŷ oheja itúva ha isýpe

¡Arlan!... ¡Arlan!... ¡Arlan!...

Mamóiko reime

Nde réra oî maymáva jurúpe

Sapukái jojápe nderekajoa

Opavaveténte nderechaga’u

¡Arlan!... ¡Arlan!... ¡Arlan!...

Ndapehecháipa upérupi

Mitârusumi pire morotî

Akâ sa’yju, ipy’arorýva

Tekove ñaña chupe ogueraha

¡Arlan!... ¡Arlan!... ¡Arlan!...

Pepoi chugui ha toujey

Hógape opyta itúva ha isy

Korasô rasy ha tesay pa’ûme

Chupe oha’ârô oñañuâ haĝua

¡Arlan!... ¡Arlan!... ¡Arlan!...

Anivéna upéicha che retâyguakuéra

Naiporâvéima péicha jajahéi ojuehe

Toĝuahê pya’éke ára jaikohápe oñopehênguéicha

Mborayhu pa’ûme, vy’a, tory ha kyhyje’ŷre