JUAN XXIII Y JUAN PABLO II: NUEVOS SANTOS - MARANGATU PYAHU

JUAN XXIII Y JUAN PABLO II: NUEVOS SANTOS

HUÂ XXIII HA HUÂ PÁULO II: MARANGATU PYAHU

Ohai: David Galeano Olivera 

Leer original (hacer clic) en (http://lenguaguarani.blogspot.com/2014/04/juan-xxiii-y-juan-pablo-ii-nuevos.html)
Asimismo leer en (http://dgaleanolivera.wordpress.com/juan-xxiii-y-juan-pablo-ii-nuevos-santos-marangatu-pyahu/)

 

El domingo 27 de abril del año 2014 la atención mundial se centró en el Vaticano, en una jornada que fue calificada como “el día de los cuatro papas”, ya que la ceremonia de canonización de Juan XXIII y de Juan Pablo II corrió a cargo del papa Francisco con la presencia del papa emérito Benedicto XVI, que renunció al trono vaticano en febrero del año 2013 por problemas de salud. Juan XXIII, italiano, estuvo a cargo de la Iglesia católica entre 1958 y 1963, mientras que Juan Pablo II, polaco, la encabezó entre 1978 y 2005. Arateî 27 jasyrundy ary 2014-pe yvoraygua ojesarekopaite hikuái Vaticano-re, upépe oikógui peteî aty oñemboherava’ekue “Irundy pápa ára”, upe árape oñemomarangatúre Huâ XXIII ha Huâ Páulo II-pe pápa Francisco rupive ha oîre avei upe ñembo’eguasúpe papare Benedicto XVI, ohejava’ekue henda ary 2013 hasykatúgui. Huâ XXIII, Italia-ygua, omotenondékuri katóliko tupâo 1958 guive 1963 peve; Huâ Páulo II, Polonia-ygua, katu omotenondékuri tupâo 1978 guive 2005 peve.

   

La ceremonia fue concelebrada por el papa emérito Benedicto XVI, 150 cardenales, más de 1000 obispos y unos 6000 sacerdotes de todo el mundo. Los representantes de las 122 delegaciones oficiales, entre las que se encontraban 24 jefes de Estado y 10 jefes de Gobierno, empezaron a llegar a la Plaza de San Pedro una hora antes del inicio del evento. Entre ellos se encontraban los reyes de España y de Bélgica, además de los presidentes de Ecuador, Honduras, Paraguay, entre otros. Omoirûkuri upe ñembo’eguasúpe papare Benedicto XVI, 150 papaporavoha, 1000 rasami pa’iruvicha ha 6000 pa’i rupi. Upéicha avei oîkuri 122 tetâ rerapegua, umíva apytépe oîkuri 24 Tetâ motenondehára ha 10 Tekuái motenodehára, oĝuahêva’ekue San Pedro Okarusúpe peteî aravo ñembo’e oñepyrû mboyve. Umíva apytépe oîkuri réi España ha Belgica-pegua, ha Ecuador, Honduras ha Paraguay retâ motenondehára, hetave apytépe.

Se estima que cientos de miles de personas se concentraron en los aledaños de la Ciudad del Vaticano para seguir la retransmisión en pantallas gigantes. Además, los interesados alrededor del planeta han podido seguir la ceremonia por las retrasmisiones en vivo o por Internet. Hetaitereirasa tapicha ono’ôkuri Vaticano Táva jerére ohecha haĝua umi mba’e oikótava ta’ângambyry kakuaakuaa rupive. Upéicha avei, oipotáva guive ikatúkuri ohecha ñembo’eguasu ta’ângambyry ha ñanduti rupive.

Es la primera vez que el Vaticano retransmite en directo por internet una canonización. Para la cobertura se utilizaron 33 cámaras de televisión: 13 de ellas transmitieron en 3D, 15 en alta definición y 5 en formato 4K. Kóva niko peteî jeyha Vaticano omyasâihague ñanduti rupive marangatu ñemboaje. Upe tembiapo guasúpe ojepurúkuri 33 ta’ângachaukaha: 13 umíva apytépe 3D-pe, 15 hesapysokatúva ha 5 katu 4K ysajápe.

Ver original en (http://actualidad.rt.com/sociedad/view/126378-vivo-canonizacion-juan-xxiii-juan-pablo-ii)

 

ooo000ooo

JUAN XXIII – HUÂ XXIII (1881-1963)

Ohai Guaraníme: David Galeano Olivera

  

  

Angelo Giuseppe Roncalli nació el día 25 de noviembre del año 1881 en Sotto il Monte, provincia de Bérgamo, Italia, siendo el cuarto de trece  hermanos. Ese mismo día fue bautizado. Angelo Giusseppe Roncalli heñóikuri ára 25 jasypateî ary 1881-pe Sotto il Monte-pe, Bérgamo tetâpehê, Italia retâme; ha’éniko irundyha paapy joyke’y apytépe. Upe arapevoi oñemongaraíkuri.

En el año 1892 ingresó en el Seminario de Bérgamo, donde estudió humanidades,  filosofía y hasta el segundo año de teología. Allí, con catorce años, empezó a redactar unos apuntes espirituales que le acompañaron, a lo largo de su vida, y que fueron recogidos en “Diario de un alma”. El día 1 de marzo del año 1896, el padre espiritual del Seminario de Bérgamo, Luigi Isacchi, lo admitió en la Orden Franciscana Seglar, cuya regla profesó el día 23 de mayo del año 1897. De 1901 a 1905 fue alumno del Pontificio Seminario Romano. Ary 1892-pe oikékuri Bérgamo Pa’irârógape, oñemoaranduhaguépe avakuaatykuéra, arandupykuaaty ha mokôi ary tupâkuaatýpe. Upépe, orekórô parundy ary, oñepyrûkuri ohai tembipytu rehegua, omoirûva’ekue chupe hekove pukukuépe, ha oñembyatyva’ekue “Peteî â rembihai”pe. Ára 1 jasyapy ary 1896-pe, Bérgamo Pa’irâróga ruvicha, Luigi Isacchi, omoinge chupe Franciscano Pa’i’ŷva Atýpe, oñemboajehaguépe ára 23 jasypo ary 1897-pe. 1901 guive 1905 peve oikókuri chugui temimbo’e Roma Papambohapeha Pa’irâróga-pe.

Fue ordenado sacerdote el día 10 de agosto del año 1904 en la Iglesia de Santa María in Monte Santo, en la Piazza del Popolo de Roma. Cuando en el año 1915 Italia entró en la guerra, fue movilizado como sargento de sanidad. Al terminar la guerra, fundó la “Casa del Estudiante”, dedicada a la pastoral estudiantil. En el año 1919 fue nombrado director espiritual del Seminario. Chugui oikókuri pa’i ára 10 jasypoapy ary 1904-pe, Tupâo Santa María in Monte Santo, Piazza del Popolo, Róma-pe. Ary 1915-pe, Italia oikérôguare ñorairôme, oiko chugui guarini tasyogua. Opávo ñorairô, omoheñóikuri “Temimbo’e Róga”, omyasâiva Tupâ ñe’ê mitârusukuéra apytépe. Ary 1919-pe oikókuri chugui Pa’irâróga ruvicha tembipytuguigua.

En el año 1921 comenzó la segunda parte de su vida, al servicio de la Santa Sede. Llamado a Roma por Benedicto XV como Presidente para Italia del Consejo central de la Pontificia Obra para la Propagación de la Fe. También ejerció, en nombre del Vaticano, en Bulgaria, Turquía y Grecia. Cuando estalló la Segunda Guerra Mundial, estaba en Grecia, que quedó devastada por los combates. Intentó recabar información sobre los prisioneros de guerra y puso a salvo a muchos judíos. El día 6 de diciembre del año 1944 Pío XII lo nombró Nuncio Apostólico en París. El día 12 de enero del año 1953 fue creado Cardenal y el 25 promovido al Patriarcado de Venecia. Ary 1921-pe omoñepyrû hekove vore mokôiha, Marangatu Rendápe. Benedicto XV ohenóikuri chupe Roma-pe omotenonde haĝua Paparâ Rembiapoha Aty Guasu Jerovia Myasâi rehegua. Oho avei, Vaticano rérape, Bulgaria, Turquía ha Grecia-pe. Oñepyrûvo Yvóra Ñorairô Mokôiha, ha’e oîkuri Grecia-pe, ijaku’ipava’ekue ñorairôkuéra rupive. Ombyatýkuri marandu oikuaaukáva mba’éichapa ha moôpa oî hikuái umi ñorairôhára oñemonambiva’ekue ha peichahápe avei oipysyrôkuri heta Hudíope. Ára 6 jasypakôi ary 1944-pe Pío XII ojapo chugui Paparerapegua París-pe. Ára 12 jasyteî ary 1953-pe oiko chugui Papaporavohára ha ára 25 katu oiko chugui Tupâretâpehêruvicha Venecia-pe.

Tras la muerte de Pío XII, fue elegido Papa el día 28 de octubre del año 1958, y tomó el nombre de Juan XXIII. En sus cinco años como Papa, el mundo entero pudo ver en él una imagen auténtica del Buen Pastor. Humilde, atento, valiente y activo, visitó a los encarcelados y a los enfermos, acogió a personas de cualquier nación y credo, comportándose  con todos con un admirable sentido de paternidad. Convocó el Sínodo Romano, instituyó la Comisión para la revisión del Código de Derecho Canónico, convocó el Concilio Ecuménico Vaticano II. Juan XXIII murió la tarde del día 3 de junio del año 1963. Juan Pablo II lo declaró beato día 3 de septiembre del año 2000 en la Plaza de San Pedro; y el Papa Francisco lo declaró santo el domingo 27 de abril del año 2014. Omanóvo Pío XII, ojepovarókuri Pápa pyahúrô ára 28 jasypa ary 1958-pe ha hérakuri Huâ XXIII. Po ary pukukue oîkuri Páparamo ha maymáva ohechakuaákuri hekove ha hembiapópe ha’eha túva marangatu. Ndahekojejapói, hapicha rechakuaa,  ipy’aguasu ha omŷiva rehegua, ohapykueho añetékuri Hesukiritópe ohógui umi ka’irâime oîva rendápe, oñandúgui hasykatúvape, oñangarekoporâgui taha’eha’évape ou ha oho’ŷre chupe mba’e tetâmegua térâ mávarepa ojeroviakatu ha oñanduka maymavaitépe túva reko añete. Ohenóikuri Roma Tupâo No’ôvusu, omoingo Atyvusu ohechajeýva’erâ Tupâo Léi Guasu, ohenói avei Vaticano II Joajuvusu Pa’iamandaje. Huâ XXIII omanókuri ára 3 jasypoteî ary 1963 ka’arúpe. Huâ Páulo II  ojapókuri chugui marangaturâ ára 3 jasyporundy ary 2000-pe Peru Marangatu Okarusúpe; ha Pápa Francisco katu ojapo chugui marangatu arateî 27 jasyrundy ary 2014-pe.

ooo000ooo

JUAN PABLO II – HUÂ PÁULO II (1920-2005)

Ohai Guaraníme: David Galeano Olivera

   

  

Karol Józef Wojtyla, elegido Papa el día 16 de octubre del año 1978, nació en la Ciudad de Wadowice, Polonia, el día 18 de mayo del año 1920. Fue el menor de los tres hijos de Karol Wojtyla y Emilia Kaczorowska. Karol Józef Wojtyla, ojeporavova’ekue Pápa ára 16 jasypa ary 1978-pe, heñóikuri Wadowice Távape, Polonia retâme, ára 18 jasypo ary 1920-pe. Ha’éniko pahague Karol Wojtyla ha Emilia Kaczorowska ñemoñare apytépe.

Terminados los estudios en la escuela superior de Wadowice, en el año 1938 se inscribió en la Universidad Jagellónica de Cracovia. Cuando las fuerzas nazis cerraron la Universidad en el año 1939, el joven Karol trabajó (1940-1944) en una cantera y luego en la fabrica química Solvay para poder subsistir y evitar la deportación a Alemania. A partir del año 1942, sintiéndose llamado al sacerdocio, asistió a los cursos de formación del seminario mayor -clandestino- de Cracovia, dirigido por el Arzobispo Adam Stefan Sapieha. Omohu’â rire iñemoarandu mitârusumbo’ehaópe Wadowice-pe, ary 1938-pe oikékuri Mbo’ehaovusu Jagellónica-pe, Cracovia-gua. Nazi guaranikuéra ombotýrô pe Mbo’ehaovusu ary 1939-pe, mitârusu Karol omba’apókuri (1940-1944) peteî itaraitýpe ha upéi kímika apoharóga Solvay-pe ikatuhaĝuáicha oikove ha ani haĝua ojereraha Alemania retâme. Ary 1942 guive, oñandu oikoseha pa’írô ha oike pa’irâ mbo’esyrýpe Cracovia Pa’irâróga Guasúpe -ohekoñemíva- oisâmbyhýva Pa’iruvichaite Adam Stefan Sapieha. 

  

Después de la guerra, continuo sus estudios en el Seminario Mayor de Cracovia, abierto de nuevo, y en la Facultad de Teología de la Universidad Jagellónica, hasta su ordenación sacerdotal, en Cracovia, el día 1 de noviembre del año 1946. Después fue enviado por el Cardenal Sapieha a Roma, donde obtuvo el doctorado en teología (1948), con una tesis sobre el tema “La fe en las obras de San Juan de la Cruz”. En esos años, durante sus vacaciones, ejerció el ministerio pastoral entre los emigrantes polacos de Francia, Bélgica y Holanda. En el año 1948 regresó a Polonia, a la parroquia de Niegowìć, en las afueras de Cracovia, y luego en la de San Florián, dentro de la ciudad. Después fue profesor en el Seminario Mayor de Cracovia y en la Facultad de Teología de Lublín. El día 4 de julio del año 1958, el Papa Pio XII lo nombré Obispo Auxiliar de Cracovia y titular de Ombi. Recibió la ordenación episcopal el día 28 de septiembre del año 1958 en la Catedral de Wawel (Cracovia), de manos del Arzobispo Eugeniusz Baziak. El día 13 de enero del año 1964 fue nombrado Arzobispo de Cracovia por el Papa Pablo VI, que lo creó Cardenal el día 26 de junio del año 1967. Ñorairô rire, ombojoapy iñemoarandu Cracovia Pa’irâróga Guasúpe, ojepe’ajeýva, ha upéicha avei oike oñemoarandu Tupâkuaaty Mbo’esyrýpe Mbo’ehaovusu Jagellónica-pe, oiko peve chugui pa’i, Cracovia-pe, ára 1 jasypateî ary 1946-pe. Upéi Papaporavoha Sapieha omondókuri chupe Roma-pe oikohaguépe chugui tembikuaajára tupâkuaatýpe (1948), ha upevarâ oiporavókuri hembiapovusu mba’ekuaarârô “Jerovia Huâ Kurusugua rembiapópe”. Umi ary rupi, arapytu’u aja, omyasâikuri Tupâ ñe’ê polakokuéra apytépe oikóva Francia, Bélgica ha Holanda-pe. Ary 1948-pe ojevy Polonia-pe, Niegowìć tupâópe, Cracovia rembe’ýre, ha upéi San Florián-me, táva ryepýpe. Upéi oiko mbo’ehárarô Cracovia Pa’irâróga Guasúpe ha Tupâkuaaty Mbo’ehaovusúpe, Lublin-me. Ára 4 jasypokôi ary 1958-pe, Pápa Pío XII ojapo chugui Pa’iruvicha Pytyvôhára Cracovia-pe ha ha’etéva Ombi-pe. Oñemboaje pa’iruvichavetérô ára 28 jasyporundy ary 1958-pe Wawel (Cracovia) Tupâovusúpe, Pa’iruvichaite Eugeniusz Baziak po rupive. Ára 13 jasyteî ary 1964-pe Pápa Páulo VI ojapókuri chugui Cracovia Pa’iruvichaite, avei ojapóva chugui Papaporavohára ára 26 jasypoteî ary 1967-pe.

  

Fue elegido Papa el día 16 de octubre del año 1978 y el día 22 de octubre dio inicio a su ministerio como Pastor Universal de la Iglesia. Al Papa Juan Pablo II se deben también 5 libros: “Cruzando el umbral de la esperanza” (octubre de 1994); “Don y misterio: en el quincuagésimo aniversario de mi sacerdocio” (noviembre de 1996); “Tríptico romano” (marzo de 2003); “¡Levantaos! ¡vamos!” (mayo de 2004) y “Memoria e identidad” (febrero de 2005). El día 13 de mayo del año 1981, en la Plaza de San Pedro, sufrió un grave atentado. Murió en Roma, el sábado 2 de abril del año 2005. El Papa Benedicto XVI lo declaró beato el día 1 de mayo del año 2011, en la Basílica de San Pedro; y el Papa Francisco lo declaró santo el domingo 27 de abril de 2014. Ojeporavókuri Pápa ára 16 jasypa ary 1978-pe ha ára 22 jasypa omoñepyrû hembiapo Páparamo ko arapy tuichakue javeve. Huâ Páulo II ohaíkuri 5 aranduka: “Cruzando el umbral de la esperanza” (jasypa 1994); “Don y misterio: en el quincuagésimo aniversario de mi sacerdocio” (jasypateî 1996); “Tríptico romano” (jasyapy 2003); “¡Levantaos! ¡vamos!” (jasypo 2004) ha “Memoria e identidad” (jasykôi 2005). Ára 13 jasypo ary 1981-pe, Peru Marangatu Okarusúpe, oîkuri ojapíva chupe ojukahaĝuáicha. Omanókuri Roma-pe, arapokôi 2 jasyrundy ary 2005-pe. Benedicto XVI ojapókuri chugui marangaturâ ára 1 jasypo ary 2011-pe Peru Marangatu Tupâoruvichápe; ha Pápa Francisco katu ojapo chugui marangatu arateî 27 jasyrundy ary 2014-pe.

ooo000ooo

Ver GRACIAS SU SANTIDAD, DE LOS GÓMEZ, en (http://www.youtube.com/watch?v=APJ82nEk87w)

Ver JUAN PABLO II HABLÓ EN GUARANI - 1988 - OÑE’ÊKURI GUARANI ÑANE RETÂME, en (http://www.youtube.com/watch?v=1xHUE7-3Qm0&feature=youtu.be)

Ver PERFIL BIOGRÁFICO DE JUAN XXIII, en (http://www.vatican.va/special/canonizzazione-27042014/documents/biografia_gxxiii_canonizzazione_sp.html)

Ver PERFIL BIOGRÁFICO DE JUAN PABLO II, en (http://www.vatican.va/special/canonizzazione-27042014/documents/biografia_gpii_canonizzazione_sp.html)

 

Ver HOMILÍA DEL SANTO PADRE FRANCISCO, en (http://w2.vatican.va/content/francesco/es/homilies/2014/documents/papa-francesco_20140427_omelia-canonizzazioni.html)

ooo000ooo

ÑE’ÊNDY

Marangatu = Santo

Marangaturâ = Beato

Pa’i = Sacerdote

Pa’irekoviahára = Vicario

Pa’iruvicha = Obispo

Pa’iruvichaite = Arzobispo

Pa’iruvichavete ñemboaje = Ordenación Episcopal

Papaporavohára = Cardinal

Paparerapegua = Nuncio

Pa’i’ŷva = Seglar

Pa’irâróga = Seminario

Tupâretâpehêruvicha = Patriarca

Pa’iamandaje = Concilio

Joajuvusu = Ecuménico

Avakuaatykuéra = Humanidades

Arandupykuaaty = Filosofía

Tupâkuaaty = Teología