Lengua Guarani

Lengua Guarani
Ára Pyahu

martes, 22 de julio de 2014

ROQUE MARANGATU - SAN ROQUE

TAVAGUA REMBIJEROVIA – DEVOCIONES POPULARES

ROQUE MARANGATU – SAN ROQUE
Ohai: David Galeano Olivera 
Leer original (hacer clic) en (http://lenguaguarani.blogspot.com/2014/07/roque-marangatu-san-roque.html) 
Asimismo leer en (http://dgaleanolivera.wordpress.com/roque-marangatu-san-roque/) 
 
         Roque niko heñókuri táva Montpellier, Francia retâme, amo ary 1350 rupi. Ha’éngo peteîmínteva’ekue ha heñóikuri isy ha itúva -ipirapirehetáva- ika’arupyrévoma. Roque ombotývo 20 ary, omanómakuri mokôivéva; upémarô, ohepyme’êmbaite imba’eta oho haĝua Roma-pe. Roque nació en la Ciudad de Montpellier, Francia, hacia el año 1350. Hijo único y tardío de un matrimonio acaudalado. Cuando Roque cumplió 20 años, ya sus padres habían fallecido; entonces, resolvió vender toda su posesión para peregrinar a Roma.



         Tapérema, Roque ojuhúkuri heta tapicha hasykatúva aipo mba’asyhûgui. Kóva ojukákuri hetaiterei kuimba’e ha kuñáme, mitâ ha kakuaávape. Roque, mitârusu akóinte ohechakuaava’ekue hapicha mboriahu ha hasykatúvape, oñepyrûkuri oipytyvô ha omonguera tapichakuérape. Itávape niko oîvoíkuri Pohânohararâ Mbo’ehao ojehecharamovéva Európa-pe. Roque, Roma rapére, opytákuri oiko Acquapendente, Toscana-pe ha upépe peteî tasyópe oipytyvôkuri hetaiterei tapicha hasykatúva mba’asyhûgui. Hetápe jeko oipohânókuri oha’âvo kurusu ra’ânga umi hasykatúva syváre, ambuépe katu oipytyvô omano haĝua py’aguapýpe ha avei oñotŷkuri hetaitereípe omanóva upe mba’asýgui, ndaje oîkuri heta ndopokoséiva umi omanóvare pe mba’asýgui, okyhyjégui ovárô ĝuarâ hesekuéra mba’asyhû. Ya en camino a Roma, Roque se encontró con numerosísimos enfermos de la peste negra. Esta enfermedad mató a muchísimos hombres y mujeres, niños y adultos. Roque, joven piadoso y solidario quien siempre asistió a los pobres y a los enfermos, empezó a ayudar y a curar a sus semejantes. En su ciudad de origen se encontraba la Facultad de Medicina más reconocida de Europa. Roque, en su peregrinar a Roma, vivió en Acquapendente, Toscana, donde en un hospital ayudó a muchísimos enfermos de peste negra. A muchos curó haciéndoles la señal de la cruz en la frente, a otros ayudó a morir en paz y también enterró a muchísimos de quienes fallecieron a causa de dicha enfermedad ya que muchos no querían enterrarlos por temor a contraer la peste negra.

         Ohovévo Romo gotyo, Roque ohasákuri Cesanea ha Rimini rupi ha oikévo Piacenza-pe ojapyhy chupeháma mba’asyhû, ha upémarô oho oike peteî ka’aguýpe ha opytákuri peteî itakuápe ani haĝua avave ojepy’apy hese ha ani haĝua ombohasa upe mba’asy ambuépe. Tupâ ndohejareíri chupe oime’arâ orekógui ambue tembiaporâ chupe ĝuarâ ha oĝuahêsapy’a hendápe peteî jagua’i oguerahávajepi chupe, ijurúpe, ára ha ára, peteî mbujape apu’a ha avei oheréijepi chupe hetyma pe mba’asyhû oguerekohápe. Jagua’i jára, herava’ekue Gottardo Pallastrelli, ohechakuaákuri mba’éichapa ára ha ára ijagua’i oguerahahákuri mbujape apu’a ijurúpe ha oikuaaségui mávape ĝuarâpa, peteî ára ohapykueho chupe ha ou ojuhúkuri Roque-pe. Gottardo oguerahákuri Roque-pe hógape, oñangareko ha omongaru chupe ha ijagua’íkatu, jepiveguáicha, oheréimi Roque retyma mba’asyhû ojapyhyhague rupi chupe. Roque katu ombo’émi Gottardo-pe Ñandejára ñe’ê. Okueramivévo, Roque oguatajey Roma gotyo. Upépe oikuaajepékuri Pápa-pe ha oñekuave’ê Tupâme. Oñandúvo okueraporâmahague mba’asyhûgui oñepyrû iguata ohojey haĝua itávape: Montpellier ha tapére, táva Angera-pe, ojapyhy hikuái chupe ha oñemoinge ka’irâime. Roque omanókuri ára 16 jasypoapy amoite ary 1379 rupi. Oikókuri chugui Marangatu ary 1584-pe, Pápa Gregorio XIII rupive. Hetave mba’e apytépe, Roque Marangatu niko jagua rerekua. Siguiendo su viaje a Roma, Roque pasó por Cesanea y Rimini y al llegar a Piacenza contrajo la peste negra y entonces resolvió ir a una cueva en el bosque, para no preocupar a nadie y para no contagiar la enfermedad a otro. Dios no lo abandonó pues tenía otro plan para él, y apareció un perrito que todos los días le llevaba una rosquilla de pan y le lamía las úlceras que la peste negra produjo en su pierna. Gottardo Pallastrelli, quien era el dueño del perrito, se percató que su perro diariamente llevaba la rosquilla de pan y, queriendo saber a quién llevaba, un día decidió seguirlo y fue así que encontró a Roque. Gottardo llevó a Roque consigo a su casa donde lo cuidó y lo alimentó y el perrito, como siempre, le lamía a Roque en las úlceras de la peste negra. Roque, en cambió, le enseñaba la palabra de Dios a Gottardo. Una vez mejorado, Roque continuó su viaje a Roma. Allí conoció al Papa y se entregó a Dios. Ya bien curado de la peste negra, comenzó su viaje de retorno a su ciudad: Montpellier y en el camino, en la Ciudad de Angera, lo apresaron y metieron en el cárcel. Roque murió el día 16 de agosto de -más o menos- 1379. Fue ungido como Santo por el Papa Gregorio XIII en el año 1584. Entre otros, San Roque es el patrono de los perros.



ooo000ooo




























  











Publicado por en

No hay comentarios:

Publicar un comentario

Suscribirse a: Enviar comentarios (Atom)