MITÂ MBORIAHU

MITÃ MBORIAHU

Ohai: David Galeano Olivera

Leer original (hacer clic) en (http://cafehistoria.ning.com/profiles/blogs/mit-mboriahu)

Leer también en (http://lenguaguarani.blogspot.com/2015/06/mita-mboriahu.html)

Asimismo leer en (https://dgaleanolivera.wordpress.com/mita-mboriahu/)

I

Akokuehe rohecha

reikundaha nde rape

ne’írã iñambue nde reko

nde rova ky’akuemi, ne akãrague icharapa,

ne retyma ipere ha ipara, nde ao soropaite

akokuehe rohecha

reikundaha nde rape.

II

Toryjárõ nde reikóva

reisu’ureiete ore angaipa

rehohápe rejeja’o, ndaipóri nendive hekororýva

reñepia’ã mbaretéramojepe

mavave naneikũmbýi...

Peichaġuarãntema nde.

Toryjárõ nde reikóva

reisu’ureiete ore angaipa.

III

Ani rejepy’apy.

Áġante Ñandejára oma’ẽjeýne nderehe.

Upépe ae nesãsóta ha upépe ae revy’áne.

Ani rejepy’apy.

Akokuehe rohecha remopotĩ mba’yrumỹi,

rembovera sapatu, rejerure pirapire

avei rohecha nemosẽrõ aipo ne angirũ

nandejái ore apytépe

roñembotavy ndehegui

ani rejepy’apy.

Aġante Ñandejára oma’ẽjeýne nderehe.

upépe ae nesãsóta ha upépe ae revy’áne

ani rejepy’apy.

(12 jasykõi 1989)

ooo000ooo

Ehendu MITÂ MBORIAHU, ko'ápe (https://www.youtube.com/watch?v=6CwCECS5qBc)