Lengua Guarani

Lengua Guarani
Ára Pyahu

domingo, 1 de mayo de 2011

DÍA DEL OBRERO, GUARANÍME

MBA’APOHÁRA ÁRA: 1 JASYPO
DÍA DEL OBRERO: 1 DE MAYO
Ohai: David Galeano Olivera
     Ára 1 jasypo niko Mba’apohára Ára ha oñemomorâ haimete opaite tetâme ko yvy ape ári. El día 1 de mayo es el Día del Obrero o Trabajador y es celebrado en casi todos los países de la tierra.


     Ko ára ojeporavókuri 1889, París, Francia-pe, oikórôguare peteî Mba’apohára Ava’atyrekoguáva Amandaje, ojegueromandu’ávo umi mba’apohára ojejukava’ekue Chicago, Estados Unidos-pe, ojerurehaguére poapy aravo omba’apo haĝua, ára ha ára, imba’apohápe. Upérô umi mba’apohára omotenondékuri peteî mba’apo’ỹ tuicháva oñepyrûva’ekue ára 1 jasypo 1886-pe; ha upévare ojeporavókuri 1 jasypo Mba’apohára Árarô. La fecha quedó establecida en 1889, en París, Francia; en ocasión del Congreso Obrero Socialista reunido -entre otros- en homenaje a los Mártires de Chicago, Estados Unidos; ejecutados por reclamar la jornada laboral de ocho horas, durante una huelga que se inició el 1 de mayo de 1886; siendo esa la razón por la cual se eligió el 1 de mayo como Día del Obrero.

     Mba’apoharakuéra rembijerure tuichavéva niko pe, ára ha ára, oñemba’apo haĝua 8 aravo añónte; oñemoañetévo pe temiandu roky porâite he’íva “poapy aravo mba’aporâ, poapy aravo képe ĝuarâ ha poapy aravo ogapýpe ĝuarâ”. Upérô oîva’ekue tapicha omba’apóva 18 aravo hamba’e ha hekorembiguáimava ỹramo katu ohupyty chupekuéra pe virupe’a tuicha tuicháva. Ary 1886-pe, karai Andrew Johnson, EEUU retâ ruvicha; omboguapy kuatiáre mba’apohárakuéra omba’apova’erâha 8 aravo añónte ñavô ára. Una de las reivindicaciones de los trabajadores fue la jornada laboral diaria de 8 horas; de manera a hacer realidad la sabia frase “ocho horas para el trabajo, ocho horas para dormir y ocho horas para la casa”. En ese tiempo, existían personas que trabajaban hasta 18 horas bajo un régimen de esclavitud o que en su defecto debían multas elevadas. En el año 1886, el Presidente Norteamericano Andrew Johnson promulgó la Ley Ingersoll, otorgando las 8 horas de jornada laboral diaria.


¡HETA VY’APAVÊ MAYMA MBA’APOHÁRAPE HI’ÁRAPE!
¡FELICITACIONES A TODOS LOS TRABAJADORES EN SU DÍA!

ooo000ooo

MBA’APOGUIGUA TEMIANDU – REFLEXIONES SOBRE EL TRABAJO
Hasta Dios trabajo seis días y descansó el séptimo
Ñande Ru niko jepe omba’apókuri poteî ára ha opytu’u ára pokôiháme
Con el sudor de la frente, ganarás el pan de cada día
Nde syva ry’ái rupi ruhupytýta ne rembi’urâ ára ha ára
El trabajo no deshonra
Mba’apo nañande’apo’íri
Nada cae del cielo, todo se obtiene mediante el trabajo
Ndaipóri mba’e ho’areíva yvágagui, oimíva guive jahupytyva’erâ mba’apo rupive
Si alguien no quiere trabajar que tampoco coma
Oîramo peteî nomba’aposéiva anínte okaru avei
Solamente quien trabaja conoce el valor real de las cosas
Omba’apóva añoiténte pe oikuaaporâva opa mba’e repykue
Quien trabaja con mano floja será persona de escasos recursos
Tapicha omba’apóva po kangy reheve ha’e áva sa’i ombyatýtava hekovépe
Todo trabajo debe ser pagado debidamente
Opaite mba’e apóre oñehepyme’êva’erâ hekopete
La falta de trabajo, la pobreza y la miseria tiene su origen en la injusticia
Mba’aporâ pore’ŷ, mboriahu ha teko’asy niko heñói hikuái tekojoja’ŷgui
El trabajo jamás debe esclavizar a nadie
Mba’apo araka’eve ndojapoiva’erâ tembiguái avavégui
Por los frutos que produce conocerás al verdadero trabajador
Umi hi’a rupive reikuaaporâta peteî mba’apohára añetetépe
Siempre debés trabajar para vivir dignamente
Akóinte remba’apova’erâ reikokatusérô
El trabajo es salud
Mba’apo ñanemohesâi

ooo000ooo

OMBA’APÓVA PURAHÉI 
Ohai: Julián Paredes (Táva Paraguay, 1945)
I
Mba’eténimbo oikopáta mboriahúgui jaivaíma,
Ku ipohyipohyietéva jaisu’u ko’ê guive
Hasypa ñande rete, pytu jaikuaa’va,
Yma jahechave’ỹva, hepyetéva ty’aikue.
II
Hi’âitéku ñandeave jareko pe iporâmíva,
Hetavéku oikoreíva ipotî tapiaite;
Piko upéicharô ñande ku ty’áipe’anga jaikóva
Mba’eha pe iporâmíva ndikatúi ñamonde
III
Naneko’ê repyrâigui reho nde uru rendápe
Ndereko marangatúpe reipotágui virumi,
Ha oime mitâmimi nderehénte jepokápe
Neruĝuatî torypápe noimo’âi rejurei
IV
Nde rova rovarei rembyasy ko ne retâme
Reikoha tekotevême ha’etéma tyre’ỹ;
Nde ahy’ópe ndejuvy reikoháre mba’apópe
Pytagua mba’erâitére ku rekái rechyryry
V
Ikatu ko’êrôite ñainupâ itukumbokuépe
Tojeity ñemba’apópe avei ñande jave
Jekaru perepere ndohasái ñane retâme
Ku kyra apasusûme ha’ekuérante oikove
VI
Mba’eha nipo urukuéra nohendúi ko’â ja’éva
Ajevérô omba’apóva mba’evérô ku ndoikói;
Ohendúrô naimo’âi ko tetâ ipoguypekuéra
Ko ty’ái hepyetéva michîmi nañamokâi

ooo000ooo

MBA'APOHÁRA REKOPOTÎ
Ohai: David Galeano Olivera

I
Opaichagua tembiapo
Ko yvy ári oî
Ivevúi ha ipohýiva
Hasy ha ndahasýiva
Iporâ ha ivaíva
Arakue ha pyhareguáva
Ha umírupi jahecha
Tapicha omba'apóva
Ha omboajéva ñe'ênga
Opavave jaikuaáva
“Nde syva ry'ái rupi
Nde rógape reraháta
Hi'upy nemba'erâva”
Tekotevê ja'e avei
Pe mba'e ñambyasyetéva
Ára ha ára ojehúva
Jahechávo tapicha
Huvicha ohuguy'óva
Chavurróicha omba'apo
Ha mbovymi ohupyty
Pe viru oikotevêtéva.

II
Mba'apohára peichagua
Ñane retâme oî
Kuarahy osê mboyve
Térâ ka'arupytû jave
Ohóva imba'apohápe
Upépe ñembo'yhápe
Óga okápe oî.
Taro'y térâ haku
Oky ha ára porâme,
Omaña ápe ha pépe
Oñangareko ijerére,
Ani haĝua oñemboja
Mondaha térâ ambuéva
Ojapo mba'e vai
Óga ha ogayguáre
Opytáva ipoguýpe.

III
Kirirîháme oî
Avave noñe'êi chupe
Héra jepe ndojekuaái.
Oîmínte upépe ha
Sapy'arei ojavýrô
Tuicha ojeja'o
Noiméiramo oñemosê.
Ogaygua kate atýra
Noñandúi pe tapichápe
Ndaipóri hendive
“Mba'éichapa reikomi”.
Heta oî óga jára
Nopyrûmbáiva katégui
Ohasávo henonde rupi
Nomañáiva hese.
Avavéngo ndoikuaái
Ha'e orekoha
Hogaygua ohayhuetéva
Hembireko ha iñemoña
Isy térâ itúva.
Herakuérape osêha
Ha ojapo ikatumíva
Ani haĝua ha'ékuéra
Oiko asy térâ
Ohasa ñembyahýi.
Ajépango ijetu'u
 mba'apohára reko.

IV
Oĝuahêvo imba'apohápe
Py'atytýipe oî
Jepémo ndohechaukái
Kyhyje guasu oñandu.
Oñembo'e Ñande Rúpe
Ha chupe ojerure
Pytyvô ha mbarete
Ha hembiapo tosê porâ.
Tuicha ipy'aguapy
Oĝuahêvo aravo
Ha hekovére ojevy
Ohetûmba hogayguápe.
Péina ko ára guasúpe
Mba'apohára ára ja'éva
Ndaipotái chehegui ohasa
Ha'e'ŷre chupe
Amomba'eguasuha
Hembiapo.
Upévare chupe ha'e
Aguyje che angirû
Nde ha'égui añetete
Tekove techapyrâ...
Mba'apohára rekopotî

Publicado por en

No hay comentarios:

Publicar un comentario

Suscribirse a: Enviar comentarios (Atom)