KAPIATA, CHE TÁVA PORÂ

KAPIATA, CHE TÁVA PORÂ

Ohai: David Galeano Olivera

Leer original (hacer clic) en (http://lenguaguarani.blogspot.com/2014/10/kapiata-che-tava-pora.html)

Asimismo leer en (http://dgaleanolivera.wordpress.com/kapiata-che-tava-pora/)

I

Kapiata táva Guarani

Paraguay retâ yvy jeguapa

Péina anohê che korasô kuágui

Ñe’ê rorymi ndéve ĝuarâite

II

Ndéngo avei táva ypykue ko ñane retâme ha

Jepémo upéicha ku mitâra’ýicha nde rete kyrŷi

Ñaimo’âvoínte kuehe nereñóiva che táva porâ

Ha tory, vy’ápe reipykúi rehóvo mborayhu rape

III

Kapiata, ndéve ahopejora che ñe’ênguemi

Che ñe’â mbytégui otykytykýva ysapy ko’êicha,

Yvoty ryakuâme oñeñapytîva ha

guyraita ñe’êpurorýpe ndéve aropojáiva

Aipotágui akói netenondeve che táva guasu

IV

Ajépa iporâ ne rembiasakue

Ha ndaijojahái mba’e porâita ndepype heñóiva

Tapicha arandu ha ikatupyrýva nembojeguapa

Umívako hína umi omba’apóva nembojeroviávo

V

Ahupi che po ha amomaitei Ñande Ru Guasúpe

Ome’êre chéve táva porâite che rendaĝuami

Ape che avy’a ha ahecharamo ko che rekoha

Akóinte ojajáiva ko yvága guýpe che táva porâ

Kapiata, táva ymaiteguare ha ko’áĝaguáva

Ndéve rohayhúgui… ndéve añakâity che táva porâ

  

ooo000ooo

Ver KAPIATA, en (https://www.youtube.com/watch?v=CQg-P81Xc2A&t=2s)

Leer CIUDAD DE CAPIATÁ - TÁVA KAPIATA, en (https://lenguaguarani.blogspot.com/2017/02/ciudad-de-capiata-tava-kapiata.html)