ANIVE PEJUKA GUARANIKUÉRAPE

ANIVE PEJUKA GUARANIKUÉRAPE

Ohai: David Galeano Olivera

Leer original (hacer clic) en (http://cafehistoria.ning.com/profiles/blogs/anive-pejuka-guaraniku-rape)

Leer también en (http://lenguaguarani.blogspot.com/2016/06/anive-pejuka-guaranikuerape_29.html)

Asimismo leer en (https://dgaleanolivera.wordpress.com/2016/06/29/anive-pejuka-guaranikuerape/)

Yma, ymarasa

Pytagua ou mboyve

Guaranikuéra ha'e

Ko yvy jára añetete.

Ha'ekuéra ápe oiko

Vy'a ha mborayhu pópe,

Joaju ha tekojojápe

Ñande Ru ojerureháicha.

Uperiréngo oĝuahê

Pytagua imba'epotáva

Kurusu ha mboka ipópe

Ha sarambíma ojapo

Omuña ha ojuka

Kuña ha kuimba'épe

Mitâ ha kakuaápe

Ha péicha sapy'aitépe

Añaretâ omoheñói

Ñande ypykuépe ĝuarâ.

  

Ha upe mba'e ndahypái

Péina ko'áĝa peve

Pytagua imba'epotáva

Ojuka jepiveguáicha

Ñande ypykue Guaraníme.

Brasil retâme oiko

Upe mba'e vaiete

Upépengo ojejuka

Ñande ypykue Guarani

Nome'êséiva ijyvy

Umi tekove ñarôme.

Hetápe ojuka rire

Pytagua tavyrai

Yvýre oñemomba'e

Pokarê oipuruhápe ha

Mondaha ojapoháicha.

Ajépango ñambyasy

Ko'â mba'e ojehuha ha

Jahecha upekuévo

Tekojoja ndaiporiha

Guaranimimíme ĝuarâ.

Ko'a guive rojapo

Ñehenói mburuvichápe

Tojoko umi moñáime

Ha tomoinge ka'irâime

Ha upéi, tekojojápe,

Py'aguapy tome'ê

Tapicha ñande ypykuépe

Ha toheja chupekuéra

Toikove tekokatúpe

Ko ijyvy teetépe

Oikohaguéicha

Yma, Ymarasa

Pytagua ou mboyve.

  

ooo000ooo

Leer JAKARE, en (http://lenguaguarani.blogspot.com/2016/06/jakare_29.html)