TAKUMBU: KA'IRÂI VAIKUE

TAKUMBU: KA'IRÂI VAIKUE

Ohai: David Galeano Olivera

Leer original (hacer clic) en (http://cafehistoria.ning.com/profiles/blogs/takumbu-ka-ir-i-vaikue)

Leer también en (http://lenguaguarani.blogspot.com/2016/06/takumbu-kairai-vaikue_14.html)

Asimismo leer en (https://dgaleanolivera.wordpress.com/2016/06/14/takumbu-kairai-vaikue/)

I

Amo Takumbúpe

Oî ka'irâi

Omanohaguépe

Heta tapicha.

Upévango hína

Tenda ndevaíva

Tenda iky'áva

Tenda itujupáva

Havê havêmbáva.

Upépe ojo'ári

Ytýicha oiko,

Ojejopypa,

Ohasa asy

Umi tapicha

Osêva tapégui

Mba'e ivaíva

Ojapova'ekue.

Ndajavýingo che

Ha'érô peême

Takumbu ha'e

Ka'irâi vaikue

 

II

Ára iko'ê

Okái Takumbu

Guyryry oiko

Sapy'a riremi

Oî osapukáiva,

Oîma okáiva,

Ha ijetu'uvéva...

Oîma omanóva.

Hûmbaite pe ára

Tasê, tesay

Pe tenda oñuâ.

Hyepýpe oîva

Heko ñembotýva

Ipy'arasy ha ipy'atytýi.

Ára pukukue

Herakuâ opárupi

Upépe ojehúva

Ha jepémo upéicha

Ára ohasávo

Mbegue mbeguemi

Mba'e vaiete

Tesaráipe opáta.

III

Hetaiterasáma

Hyepýpe oî

Ndaipóri tenda

Ndaipóri tupa

Yvýpe oke

Oî ndokarúiva

Ha hasykatúva

Pohâ ndorekói

Ka'irâi michî

He'ô ha ine

Ajépa ivai

Upe ka'irâi,

Naiporâiete

Mavave ĝuarâ.

Araka'etépa

Mburuvichakuéra

Ojesarekóta

Umi tapicháre

Jahechápa péicha

Heko omyatyrô

Ha oñembovevúi

Jehasa asy

IV

Hetáma ohasa

Mburuvichakuéra

Iñe'ê ome'êva

Ka'irâi vaikue

Omyatyrôtaha

Ha jepiveguáicha

Ndoikói mba'eve,

Hesarái hikuái

Ha tuicha ijapu.

Upépe oikéva

Oike añaretâme.

Ndaha'eiete

Aipo oje'eháicha

Teko pyahumíre

Upégui osêha

Hogaygua rendápe

Ojevy haĝua.

Hi'âite oĝuahê

Pe ára pyahu

Teko porâve

Ohupytyhápe

Umi tapichápe

 

ooo000ooo

Leer KA'AY, en (http://lenguaguarani.blogspot.com/2016/06/kaay_12.html)