TATA ÁRI JEHASA

TATA ÁRI JEHASA

Ohai: David Galeano Olivera

Leer original (hacer clic) en (http://lenguaguarani.blogspot.com/2016/06/tata-ari-jehasa.html)

Leer también en (https://dgaleanolivera.wordpress.com/2017/06/23/tata-ari-jehasa/)

       Ára 23 jasypoteî, ka'arupytû mboyvemi, oñemyendyva'erâ tataindy ha upéva opakuetévo, hembyremíre, oñemyendyva'erâ jepe'e tuichaporâva. Jepe'e ha'eva'erâ kurupa'ýgui. Hendy pytâ asy jave, tatapŷi ojepysova'erâ yvy ári. Ohasátava tata ári ohasava'erâ mbohapy jey ha oikuave'êva'erâ Huâ Marangatúpe he'ívo “nderérape Karai San Juan”. Ndojehejaiva'erâ tata itanimbu, upévare py'ŷi ojepysojeyva'erâ. Oje'éngo ojehasaha tata ári: 1)Ñane retâygua ipy pire atâ haguére akóinte oikóre pynandi, 2)Ro'ýgui ha upehaguére sa'íve oñeñandu tata, ha 3)Oîre jerovia karai San Juan-re. El día 23 de junio, antes de oscurecer, se debe encender una vela y cuando esté a punto de derretirse completamente, con ese resto, deberán encenderse las leñas. Las leñas deben ser de kurupa'y. Cuando estén al rojo vivo, las brasas deben esparcirse en el suelo. Quien cruzará sobre las brasas deberá hacerlo tres veces y debe ofrecerlo a San Juan diciendo “nderérape Karai San Juan – En tu honor Señor San Juan”. No se deben dejar que las brasas se llenen de cenizas, por eso cada tanto deben esparcirse nuevas brasas en el suelo. Se dice que cruzar las brasas descalzo demuestra: 1)Que el paraguayo aguanta el calor del fuego por tener la piel dura de tanto andar descalzo, 2)Que la sensación del calor se reduce por causa del frío, y 3)Por la convicción en el poder de San Juan.

       Peteî arapokôindy, upe ára mboyve, mitâmimi osêjepi ombyaty kapi'i ha ojokuaa apu'amimi. Pyharekue mitâita omyendyjoa kapi'i apu'a ha oñembosarái hikuái osapukaihápe “toikove Karai San Juan, toikove Karai San Juan”. Una semana antes del día de San Juan, los niños suelen preparar atados de paja. A la noche, los niños acostumbran encender los atados y corren por las calles gritando “viva el Señor San Juan, viva el Señor San Juan”.

       Jepémo San Juan Ára ndaha'éi Guaranikuéra mba'e, oñemondénte Guarani ñe'ême. Cabe aclarar que la festividad de San Juan no pertenece a la cultura Guarani pero hoy se manifiesta en el idioma Guarani.

ooo000ooo

Leer SAN JUAN ÁRA, en (http://lenguaguarani.blogspot.com/2011/06/san-juan-ara-dia-de-san-juan.html)

ooo000ooo

ooo000ooo

Ver TATA ÁRI JEHASA 1, en (https://www.youtube.com/watch?v=p49fkOrhPfA)

Ver TATA ÁRI JEHASA 2, en (https://www.youtube.com/watch?v=xGp109v2mhQ)