TESÂI, NDÉVE

TESÂI, NDÉVE

Ohai: David Galeano Olivera

Leer original (hacer clic) en (http://lenguaguarani.blogspot.com/2016/06/tesai-ndeve_16.html)

Asimismo leer en (https://dgaleanolivera.wordpress.com/2016/06/16/tesai-ndeve/)

Eñeha'âke ko'ê ko'êre

Emoingove nde reko

Eku'e, eñemomýi

Evy'a, epuka ha

Emyasâi ne mborayhu

Péicha reikohápe

Neresâita añetete.

Aníke reñeme'ê

Tyre'ŷ ha mba'asýpe

Umívango naiporâi

Ombohasy nde rete.

Epu'âke ha okápe esêmi

Kuarahýpe emomaitei

Ehendu guyramimíme

Emomorâ yvotykuéra

Eñañuâ ne pehênguépe

Eñandu ha eñe'ê

Opavave tapichándi

Eipehê'a reguerekóva

Ha oikotevêvape eme'ê.

Péicha rejapomírô

Ndéve hetave ojevýta

Ha ne korasô oñandúta

Vy'apavê tuichaitéva.

Aipórô che angirû

Embopyahu nde pytu

Ne angami tahory ha

Nde reko taipiro'y.

Ko'â mba'e rejapórô

Hetaiteve reikovéta

Ha akóinte neresâita...

Ndaiporimo'âi ndeichagua

ooo000ooo

Ver YOUTUBE, en (https://www.youtube.com/watch?v=CjfLiyIjTqM)

Leer DÍA DE LA SALUD, en (https://lenguaguarani.blogspot.com/2012/04/dia-mundial-de-la-salud-tesai-arapygua.html)

Leer TAKUMBU: KA'IRÂI VAIKUE, en (http://lenguaguarani.blogspot.com/2016/06/takumbu-kairai-vaikue_14....)