miércoles, 29 de junio de 2016

JAKARE

JAKARE
Ohai: David Galeano Olivera
Jakare, jakaremi,
Reiko asy ahecha
Remano mbeguekatu
Ha upévango naiporâi.
Kuimba'e imba'epotáva
Nde rekoha ombyai
Ojuka nde ysyry
Ha heseve ne rembi'u.
Ndajaipotái avavépe
Mano asy ohupyty.
Ivaiete jahecha
Nde pire, ne kanguekue
Iñasâiva ápe ha pépe.
Heta tapicháre opoko
Upe mba'e vaiete,
  
Oîma oñemongu'éva
Ha nde rérape, jakare,
Ohekáva pytyvô,
Mburuvichakuéra katu
Okirirî, noñe'êi
Ñembotavýpe oiko
Pirapire ho'upa,
Ajépango ñambyasy
 mba'e ojehuha.
Iporâiténgova'erâ
Tapicha opavavéva
Oñeha'â mbarete
Ha nde rekove oipysyrô
Ha upéicha avei tojapo
Opavave mymbami ha
Ñande rekoha porâitére.
  

ooo000ooo