MBORIAHU REKO

MBORIAHU REKO

Ohai: David Galeano Olivera

Leer original (hacer clic) en (http://cafehistoria.ning.com/profiles/blogs/mboriahu-reko)

Leer también en (http://lenguaguarani.blogspot.com/2016/06/mboriahu-reko_17.html)

Asimismo leer en (https://dgaleanolivera.wordpress.com/2016/06/17/mboriahu-reko/)

I

Mboriahu reko

Naiporâiete.

Óga ndorekói

Tapére oiko

Ohasa ro'y

Yuhéi, vare'a.

Ao soromi

Hete oñuvâ

Mba'e rembyre

Chupe ohupyty

Mba'e ipyahúva

Ha'e ndoikuaái.

Opaite oikoha rupi

Ijyva oipyso ha

Jepémo otî

Pytyvô ojerure.

II

Sapy'apy'a

Tapicha ojuhu

Ipy'aporâva ha

Kunu'û pópe

Chupe oipehê'a

Tembi'u ha ao.

Mboriahúngo hína

Tupâmba'ejára ha

Jepémo upéicha

Vaichantevoi

Chugui hesarái

Ñande Apohare

Ha tyre'ŷmi

Ichupe oheja

Ko yvy apére.

III

Tesay, tasê,

Teko kane'ô

Chupe omoirû.

Ha'e ndoikuaái

Teko porâve,

Ichupe ĝuarâ

Ndaipóri vy'a.

Ajépa ivai

Ajépa imarâ

Ajépa ipohýi

Ajépa ijay

Ajépa iky'a

Ajépa hasy

Mboriahu reko

ooo000ooo

Leer TESÂI, NDÉVE, en (http://lenguaguarani.blogspot.com/2016/06/tesai-ndeve_16.html)