lunes, 6 de junio de 2016

TEKOHA (MEDIO AMBIENTE)

5 de junio: Día del Medio Ambiente
TEKOHA
Ohai: David Galeano Olivera
I
Tekoha niko iporâ
Upéva ñane renda
Ipypéngo henyhê
Opaichagua tekove
Michīmíva ha tuicháva
Heñói ha okakuaáva
Omano ha heñoijeýva
Tapia péicha ojehu


II
Tekove ha tekoha
Peteînte hembiasa
Ýpe ñañepyrû
Yvy ape ári jaiko
Yvytu ñanemoingo
Ha tata ñanembyaku
Umíva'ŷre ndaipóri
Tekove ha tekoha
III
Tekohápe jajuhu
Ka'avo neporâmbáva
Mymbamimi ha'evéva
Ita, yvyty ha ysyry
Ápe ha pépe oî
Yvoty porâ porâ ha
Jahahápe ñahendu
Guyramimi purahéi
IV
Ipahápe oî avei
Tekoha rerekuaite
Umíva hína ñande
Yvypóra, avakuéra
Jaipurúva tekoha
Ipype jaiko haĝua
Vy'a ha mborayhupópe
Tesâi ha tekojoajúpe
V
Ajépango iporâite
Tekoha ñane renda
Aníkena jaheja
Imeĝua ha omano
Upe mba'e ojehúrô
Avei ñande jaguéta
Aipórô tapichakuéra
Ñanerakate'ŷke hese



ooo000ooo